१६ असार २०८३, मंगलबार
निर्वाचन आयोगले स्थानीय तह निर्वाचन, २०७९ का लागि निर्वाचन अधिकृत नियुक्त गरेको छ ।
आयोगको निर्वाचन कार्यक्रमबमोजिम देशैभरिका मुख्य निर्वाचन अधिकृत र निर्वाचन अधिकृतलाई चुनावी प्रयोजनका लागि चैत २९ गतेदेखि लागू हुनेगरी नियुक्तिपत्र दिइएको हो ।
आयोगका प्रवक्ता शालिग्राम शर्मा पौडेलले भने, “देशभरिका विभिन्न आठ सहरमा मुख्य निर्वाचन अधिकृत र निर्वाचन अधिकृतको प्रशिक्षणपछि नियुक्तिपत्र दिएर कार्यक्षेत्रमा पठाइएको छ ।”
आयोगले चैत ३० गते विराटनगर, धुलिखेल, पोखरा र नेपालगञ्जमा प्रशिक्षण सञ्चालन गरेको थियो । त्यसैगरी, वैशाख २ गते जनकपुरधाम, बुटवल, हेटौँडा र धनगढीमा प्रशिक्षण सम्पन्न गरेको थियो । गोरखापत्र दैनिकमा इश्वरचन्द्र झाले खबर लेखेका छन् ।
