अपर सोलु हाइड्रो इलेक्ट्रिक कम्पनीले प्राथमिक सेयर (आईपीओ) निष्कासन गर्न अनुमति पाएको छ ।

नेपाल धितोपत्र बोर्ड (सेवोन)ले बुधबार नै यो कम्पनीलाई ३३ करोड ७ हजार ५ सय कित्ता  प्राथमिक शेयर (आईपीओ) निकाल्न अनुमति दिएको हो ।

सेबोनको अनुमतिसँगै यो कम्पनीले ३३ करोड ७ लाख ५० हजार रुपैयाँको आईपीओ निष्कासन गर्ने भएको छ । कम्पनीले उक्त शेयर आयोजना प्रभावित स्थानीय र सर्वसाधारणका लागि निष्कासन गर्ने छ । यसको शेयर निष्कासन तथा बिक्री प्रबन्धक एनएमबी क्यापिटल तोकिएको छ । 

धितोपत्र बोर्डले चालू अवको विभिन्न १६ वटा कम्पनीको आईपीओ निष्कासनलाई अनुमति दिइसकेको छ । अनुमति पाएका कम्पनी सबैले आईपीओ जारी गरिसकेका छन् । यी कम्पनीले ४ करोड ३४ लाख कित्ता शेयरको आईपीओ निकालिसकेका छन् । 

बोर्डमा अझै २६ कम्पनीले ५ करोड ८५ लाख कित्ता शेयरको आईपीओ निष्कासन गर्न अनुमति मागेको छ । यी कम्पनीहरूले आईपीओ निष्कासनको लागि बोर्डले विभिन्न चरणमा अध्ययन गरिरहेको छ । बोर्डबाट स्वीकृत भएपनि यी कम्पनीहरूले आईपीओ आउने छ ।