०७ साउन २०८३, बिहीबार
युक्रेनमाथि रुसले आक्रमण गरेपछि युरोपेली संघ (ईयू) ले रुसमाथि प्रतिबन्ध लगाएकोमा रुसका राष्ट्रपति भ्लादिमिर पुटिनले त्यसको बदला लिएका छन् ।
गत अप्रिल १ मा पुटिनले मस्कोमागि अवैध प्रतिबन्ध लगाउने मुलुकहरूलाई रुसी ग्यास रुबलमा किन्न बाध्य बनाउने आदेशमा हस्ताक्षर गरेका थिए ।
पुटिनको यो निर्णयको युरोपेली मुलुकहरूले विरोध गरेको भए पनि अहिले आएर त्यसलाई मानेका छन् ।
युरोपेली आयोगका नयाँ प्रस्तावअनुसार, कम्पनीहरूले रुसमा रहेको बैंक खातामा युरो वा डलर भुक्तानी गर्न सक्छन् र त्यहाँ ती मुद्रालाई रुबलमा कन्भर्ट गरिनेछ । रुसी बैंकमा मुद्रा दाखिला भएपछि मात्र भुक्तानी पूरा भएको मानिनेछ ।
त्यसअघि बेलायतले ग्यास किन्नका लागि रुसको गाजप्रोमबैंकमा रकम दाखिला गर्न छुट दिएको थियो । मे ३१ सम्म यस्तो छुट उपलब्ध रहनेछ ।
अमेरिकाको आदेशमा युरोपले रुसमाथि प्रतिबन्ध लगाएको भए पनि ईयूले रुबलमा ग्यासको रकम भुक्तानी गर्ने निर्णय लिएको हो । यसबाट प्रतिबन्ध उल्लंघन गरेको नठहर्ने युरोपेली आयोगको भनाइ छ ।
