११ साउन २०८३, सोमबार
रुसले युक्रेनमाथि आक्रमण गरेपछि युरोपेली संघले रुसमाथि प्रतिबन्ध लगाएको छ ।
त्यस प्रतिबन्धले युरोपका सम्भ्रान्तलाई नभई सामान्य मानिसलाई असर पर्न थालेको छ । रुसी ग्यास कम उपभोग होस् भनी सरकारहरूले नागरिकलाई विभिन्न सुविधा कटौती गर्न आग्रह गरेका छन् ।
ईयूले मानिसहरूलाई घर न्यानो बनाउने हीटिङ सिस्टम बन्द गर्न, कारको गति घटाउन र मोसन सेन्सर बत्तीहरू प्रयोग गर्न आग्रह गरेको छ ।
जर्मनीमा रुसी ग्यासप्रतिको निर्भरता घटाउनका लागि लुगा कमै मात्र धुन भनिएको छ ।
फ्रान्समा स्थानीय निवासीहरूलाई अपार्टमेन्टको तापक्रम घटाउन र एयर कनिडस्नर तथा बत्ती कम प्रयोग गर्न आह्वान गरिएको छ ।
इटलीमा तापक्रम उपयोगमा विभिन्न कडाइ गरिएको छ । गर्मीमा २५ डिग्री सेल्सियसभन्दा कम गर्न नहुने तथा जाडोमा १९ डिग्री सेल्सियसभन्दा बढी गर्न नहुने उदीए जारी गरिएको छ ।
आयरल्यान्डमा इन्धन जोगाउनका लागि गाडीचालकहरूलाई कम गतिमा नहाँक्न, भारी लोड नबोक्न, गाडीको एसी नखोल्न भनिएको छ । सकेसम्म हिँडेर काम चलाउन भनिएको छ ।
लिथुएनियामा नागरिकहरूलाई पानी कम उमाल्न, कोठाको तापक्रम १६ डिग्रीमा झार्न र सानो आवाजमा संगीत सुन्न भनिएको छ ।
इस्टोनियामा राति कपडा धुन र घरलाई इन्सुलेट गर्न भनिएको छ ।
