बुटवल उपमहानगरपालिकामा गठबन्धनको तर्फबाट नेपाली कांग्रेसका नेता खेलराज पाण्डेले उम्मेदवारी दर्ता गरेका छन् ।

उनले शक्ति प्रदर्शन सहित आएर उम्मेदवारी दर्ता गरेका हुन् ।

पाण्डे गएको निर्वाचनमा पनि उम्मेदवार थिए ।

उनी एमालेका शिव राज सुवेदीसँग २ हजार ३०० मत अन्तरले पराजित भएका थिए ।

कांग्रेसलाई ११ बजे समय दिएर १ बजे मात्र शक्ति प्रदर्शन सहित उम्मेदवारी दर्ताका लागि आएका थिए ।

उम्मेदवारी दर्ता गरेर पत्रकारसँग कुरा गर्दै पाण्डेले बुटवलमा आफूले जिते सुकुम्बासी समस्या समाधान गर्ने बताए ।

उनले सडक व्यवस्थित गर्ने योजना पनि आफूसँग रहेको दाबी गरे ।