नेकपा माओवादी केन्द्रका प्रवक्ता कृष्णबहादुर महराले वैशाख ३० गतेको स्थानीय तह निर्वाचनका लागि ६० प्रतिशत क्षेत्रमा गठबन्धन सफल भएको दाबी गरेका छन् ।

मिल्न नसकेको विषयमा साँझसम्म पनि चल्ने र मतदानको अघिल्लो दिनसम्म पनि सहमतिको प्रयास हुने उनले बताए । 

पार्टी केन्द्रीय कार्यालय कोटेश्वरमा आयोजित साप्ताहिक पत्रकार सम्मेलनमा माओवादी प्रवक्ता महराले उम्मेदवारी फिर्ताको दिनसम्म पनि सहमतिको प्रयास हुने बताएका हुन् ।

‘६० प्रतिशत क्षेत्रमा उम्मेदवारी दिँदा गठबन्धन भएको छ । अहिले पनि मिल्ने क्रम जारी छ । उम्मेदवारी फिर्ता गर्ने दिनसम्म र मतदानको अघिल्लो दिनसम्म पनि गठबन्धनमा सहमतिको प्रयास हुन्छ,’ महराले भने । 

सहमति जुट्न बाँकी रहेको ४० प्रतिशत ठाउँमा पनि कुराकानी चलिरहेको महराले बताए ।