केही    समयअघिसम्म    सुनसान    रहेका होटल, रेस्टुराँ र पार्टी प्यालेस अहिले भरिभराउ देखिन थालेका छन् ।

विदेशी र आन्तरिक  पर्यटकको  चहलपहल  बढेसँगै  स्तरीय होटल र पार्टी प्यालेसमा भीडभाड बढेको हो ।

अध्यागमन विभागका अनुसार अप्रिल महिनामा  मात्रै  ५८  हजार  विदेशी  पर्यटक  नेपाल  भित्रिएका  छन्  ।  

हिमाल  आरोहण,  पदयात्रामा आउने बाह्य पर्यटकको सङ्ख्या बढ्दै गएपछि तारे होटलको 'अकुपेन्सी’ ८० प्रतिशत पुगेको छ । मझौला र साना होटलमा समेत पाहुनाको सङ्ख्या बढ्दै गएको छ ।

युरोप   तथा   अमेरिकाले   'ट्राभल   एडभाइजरी’  हटाए  अझ  धेरै  पर्यटक  आकर्षित  गर्न  सकिने  होटल  एसोसिएसन  अफ  नेपाल  (हान)का  प्रथम  उपाध्यक्ष  विनायक शाहले बताए ।

अहिले गोष्ठी, सेमिनार, बैठक, साधारण सभा  र  राजनीतिक  पार्टीका  कार्यक्रमले  कोरोना पहिलेकै अवस्थामा जस्तो व्यापार भइरहेको उनले बताए ।

“सरकारले गठन  गरेको  राष्ट्रिय  पर्यटन  पुनरुत्थान  समितिले    सुझाएअनुरूप    नीतिगत,    प्रक्रियागत  संरचनागत  विषयमा  सुधार  ल्याए अझै चहलपहल बढाउन सकिन्छ,” उनले भने । अहिले   एउटा   विदेशीको   समूह   नेपाल आउँदा १० देखि १५ कोठा बुक हुन थालेको जनकारी दिँदै उनले तारे होटल, रिसोर्ट, होमस्टेलगायत अन्य पर्यटकस्तरीय होटल    सम्बद्व    व्यवसाय    लयमा    फर्किसकेको बताए ।  गोरखापत्र दैनिकमा मीनराज भण्डारीले खबर लेखेका छन् ।