काठमाडौं २९ असार –व्यस्थापिका संसदको अन्तर्राष्ट्रिय सम्बन्ध तथा श्रम समितिको सभापतिमा माओवादी केन्द्रका सांसद जुठबहादुर खड्गी (जेबी टुहुरे) निर्विरोध भएका छन् ।
संसद सचिवालय सिंहदरवारमा विहीवार बसेको समिति बैठकले टुहुरेलाई सभापति चयन गरेको हो । नेपाली कांग्रेसका सांसद भरतबहादुर खडका प्रस्तावक र माओवादी केन्द्रका गणेशमान पुन समर्थक रहे ।
यसअघिका सभापति प्रभु साह मन्त्री बनेपछि माओवादीको कोटामा रहेको समितिमा टुहुरे सभापति बनेका हुन् । जनवादी गायक टुहुरेलाई माओवादीले समानुपातिक सांसद बनाएको थियो ।
