भरतपुर महानगरपालिकामा बिहीवार (वैशाख २२) आयोजना गरिएको चुनावी सभालाई सत्ता गठबन्धनका शीर्ष नेताहरूले सम्बोधन गर्ने भएका छन् । 

हाकिमचोकमा हुने सभालाई प्रधानमन्त्री तथा नेपाली कांग्रेसका सभापति शेरबहादुर देउवा, नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’, नेकपा (एस)का अध्यक्ष माधवकुमार नेपाललगायतका नेताले सम्बोधन गर्ने कार्यक्रम छ । 

त्यस्तै कांग्रेसका नेता रामचन्द्र पौडेल, नेता शेखर कोइराला, महामन्त्री गगन थापा, जसपा र राष्ट्रिय जनमोर्चाका नेताहरूले पनि सम्बोधन गर्ने कार्यक्रम छ । 

भरतपुरमा गठबन्धनका तर्फबाट माओवादीकी रेनु दाहाल प्रमुखमा र कांग्रेसबाट चित्रसेन अधिकारी उपप्रमुखका उम्मेदवार छन् ।