०७ असार २०८३, आइतबार
स्थानीय तह निर्वाचनमा गठबन्धन गरिए पनि काठमाडौँका पालिकामा नेपाल कम्युनिस्ट पार्टी (माओवादी केन्द्र)ले प्रमुखमा उम्मेदवारी पाउन सकेन ।
काठमाडौँमा एक महानगर पालिका र १० नगर पालिका छन् । सत्ता गठबन्धनबाट प्रमुख वा उपप्रमुख नपाएपछि एकल उम्मेदवारी दिएको छ ।
टोखा, कीर्तिपुर, नागार्जुन, शङ्करापुर र बूढानीलकण्ठ नगर पालिकामा माओवादीका एकल उम्मेदवार छन् ।
तारकेश्वर , गोकर्णेश्वर र कागेश्वरी मनोहरा नगर पालिकामा गठबन्धन गरेपनि प्रमुख पद पाएको छैन ।
१० पालिकामध्ये कागेश्वरी मनोहरा नगर पालिकामा नेपाली काँग्रेससँग गठबन्धन गरी उपप्रमुखमा उम्मेदवार दिएको छ ।
नेकपा एकीकृत समाजवादीसँग तारकेश्वर र गोकर्णेश्वर नगर पालिकामा गठबन्धन भएको छ ।
यी दुई नगर पालिकामा प्रमुख पद समाजवादीलाई दिएर धेरै वडामा माओवादीले उम्मेदवारी दिएको माओवादी केन्द्र काठमाडौं जिल्ला इन्चार्ज हिमाल शर्माले जानकारी दिए । गोरखापत्र दैनिकमा लक्ष्मण दर्नालले खबर लेखेका छन् ।
