×

NMB BANK
NIC ASIA

स्थानीय चुनाव

जनकपुरको रोचक चुनावी भिडन्त : दलीय वर्चस्वमाथि स्वतन्त्र उम्मेदवारको चुनौती !

बैशाख २५, २०७९

NTC
Sarbottam
Premier Steels
Marvel

मधेश प्रदेशको राजधानी शहर जनकपुरधामको चुनावमा स्वतन्त्र उम्मेदवारले दलका उम्मेदवारलाई चुनौती दिइरहेका छन् । 

Sagarmatha Cement
Muktinath Bank

जनकपुर उपमहानगरपालिकाका लागि सत्तारूढ गठबन्धनका तर्फबाट जनता समाजवादी पार्टीले लालकिशोर साहलाई मेयरको उम्मेदवार बनाएको छ । जनकपुरमा कांग्रेस, जनता समाजवादी पार्टी, माओवादी केन्द्र र एकीकृत समाजवादीले चुनावी सहकार्य गरेका छन् । तर वडा तहमा भने उनीहरूले गठबन्धन गरेका छैनन् । 


Advertisment
RMC TANSEN
IME BANK INNEWS
shivam ISLAND

एमालेले शिवशंकर साहलाई उम्मेदवार बनाएर चुनावी मैदानमा उतारेको छ । लोकतान्त्रिक समाजवादी पार्टीका मनोज चौधरीले मेयरमा उम्मेदवारी दिएका छन् । 


Advertisment
Nabil box
Kumari

त्यसबाहेक, सीके राउत नेतृत्वको जनमत पार्टी, वृषेशचन्द्र लाल नेतृत्वको तराई मधेश लोकतान्त्रिक पार्टी आदिले पनि मेयरको उम्मेदवार खडा गरेका छन् ।

Vianet communication
Laxmi Bank

उनीहरूलाई चुनौती दिँदै परेको स्वतन्त्र उम्मेदवारीले जनकपुरको चुनावी मैदानमा रौनक थपेको छ । जनकपुरका चोक र चिया पसलहरूमा स्वतन्त्र उम्मेदवारको धेरै चर्चा हुने गरेको छ ।

गठबन्धनमा चित्त नबुझाएर कांग्रेसका नगर सभापति मनोज साह पदबाट राजीनामा दिएर चुनावी मैदानमा खडा भएका छन् ।

त्यसैगरी, यसअघि वडा नम्बर ७ को वडाध्यक्ष निर्वाचित भएका जानकीराम साह चुनावमा भिडिरहेका छन् ।

ठेकेदारीको पृष्ठभूमिबाट आएका बलराम महतोले पनि जनकपुरमा चुनावी गर्मीको पारो उकासिरहेका छन् ।

कांग्रेसका बागी मनोज 

जनकपुरधाम उपमहानगरमा कांग्रेसले मेयरको उम्मेदवारी पाउँदा शतप्रतिशत जीत निकाल्न सक्ने विश्लेषणसहित चुनावी तयारीमा रहेको भए पनि गठबन्धनमा जसपालाई मेयरको सीट दिने सहमति भएपछि कांग्रेस बिच्किएको थियो । अघिल्लो चुनावमा कांग्रेस दोस्रो स्थानमा थियो । 

केही महिनाअघि निर्वाचित भएका नगरसभापति मनोज साहले गठबन्धन गर्ने केन्द्रको निर्णयलाई चुनौती दिए । गठबन्धन अस्वीकार गर्ने घोषणा उनले गरे । अन्ततः कांग्रेसको साधारण सदस्य समेत नरहने सार्वजनिक घोषणा गरेर उनले मेयरको उम्मेदवारी दर्ता गरे । 

उनी अहिले तीव्र चुनावी अभियानमा छन् । उनलाई साथ दिएजस्तो गरी जनकपुरको कांग्रेस नगर कमिटी पनि खुलेर गठबन्धनको उम्मेदवारका पक्षमा लागेको छैन । केन्द्रीय नेताहरूले गठबन्धनलाई सघाउन उनीहरूलाई व्यक्तिगत रूपमा टेलिफोन गरेर निर्देशन दिइरहेका छन् । 

मनोज साह

मनोज साह भने कांग्रेसकै मतमा मेयर जित्ने दाबीसहित चुनावी प्रचारमा छन् । जनकपुरमा कांग्रेस जोगाउनका लागि आफूले मेयर पदमा उम्मेदवारी दिएको साहले बताए । ‘रुखबाहेक अन्त भोट हाल्नु कांग्रेसको नीतिविपरीत हो । हामीले अन्यत्र भोट हाल्यौं भने जनकपुरको कांग्रेस जोगाउन शेरबहादुर आउने त होइनन् । त्यसैले, कांग्रेस जोगाउनका लागि मैले उम्मेदवारी दर्ता गरेको हो । सबै कांग्रेसी मतदाता मेरो पक्षमा छन्’, साहले भने । जनकपुरमा कांग्रेस गठबन्धनमा नरहेको उनको दाबी छ । 

आफूले यसअघि पनि नगरपालिकामा प्रखर रूपमा प्रतिपक्षको भूमिका निर्वाह गरेको र त्यसलाई चुनावबाट जनताले अनुमोदन गरिदिने उनी बताउँछन् । ‘व्यापारी, ठेकेदार र व्यवसायी चुनावमा आएका छन् । तिनलाई जनताले मत दिँदैनन् । मधेशी दलसँगको सम्बन्धबाट जनता धेरै पर पुगिसके । कम्युनिस्टलाई जनकपुरले रुचाउँदैन । यी कारणले पनि जनकपुरमा मेरो उम्मेदवारी आवश्यक पर्‍यो’, साहले भने । त्यसबाहेक, मतदाताले अहिले पार्टीभन्दा पनि नगरको नेतृत्व गर्न सक्ने सक्षम अनुहार खोजिरहेको उनको दाबी छ । 

उनी राजनीतिक व्यक्ति भएको र टिकट पाएको भए चुनावको बलियो प्रतिस्पर्धी भएको जनकपुरका मतदाता बताउँछन् । तर बागी उम्मेदवार भएकाले उनीप्रति मतदाताको सकारात्मक मनस्थिति पाइन्छ । उनलाई निर्वाचन आयोगले घण्टाघर चुनाव चिह्न दिएको छ । 

जानकीराम साहलाई जातीय मतको आधार

यसअघि जनकपुर उपमहानगरपालिकाको वडा नम्बर ७ मा वडा अध्यक्ष निर्वाचित भएका जानकीराम साह पार्टीबाटै मेयरको उम्मेदवार बन्न चाहन्थे । महन्थ ठाकुर नेतृत्वको लोकतान्त्रिक समाजवादी पार्टीमा रहेका उनी मेयरको टिकट पाउने आशामा एमाले प्रवेश गरेका थिए । तर एमालेले शिवशंकर साहलाई उम्मेदवार बनायो । 

एमालेबाट पनि टिकट नपाएपछि उनी स्वतन्त्र रूपमा उम्मेदवार बनेका छन् । वडा अध्यक्ष रहँदा उनले जनताको प्रशंसा बटुल्ने केही काम गरेको मधेश मामिलाका अभियन्ता एवं उक्त वडाका मतदाता सरोज मिश्र बताउँछन् । 

‘नगरपालिकाले वडालाई दिएको बजेट ३० लाख थियो । वडाले ५० लाखको काम गरेको छ । बाँकी पैसा जानकीराम साह आफैंले व्यवस्थापन गरेका थिए’, मिश्रले भने । त्यसबाहेक, साहले आफ्नै जग्गा दिएर वडा कार्यालय बनाएका थिए । 

साह इँटाभट्टा व्यवसायी हुन् । वडाको भवन बनाउन उनले आफ्नै भट्टाबाट निःशुल्क इँट्टा उपलब्ध गराएको स्थानीय बताउँछन् ।

‘उनको इमान्दारिता र काम गर्ने शैलीका कारण स्थानीय उनीप्रति आकर्षित छन् । व्यापारीहरू पनि उनको पक्षमा छन् । कतिपय व्यापारीहरूकै सल्लाहमा उनले मेयरको उम्मेदवारी दिएका हुन्’, मिश्रले बताए । 

वडाध्यक्ष हुँदा जानकीराम र तत्कालीन मेयर लालकिशोर साहको संघर्षपूर्ण सम्बन्ध थियो । मेयरको कार्यशैलीमा जानकीरामले निरन्तर प्रश्न उठाउँदै आएका थिए ।

जानकीराम साह

एमबीबीएस अध्ययन गरिरहेका अनिकेत किशोर साहलाई चुनावमा सघाउन गाउँ फर्किएका छन् । उनी भन्छन्, ‘जानकारीराम साहले जुनसुकै पार्टीमा गएर टिकट किनेर ल्याउन सक्थे । करोडौं खर्च गरेर टिकट किन्न सक्ने हैसियत उनको छ । तर टिकट किनेपछि भ्रष्टाचार नै गर्नुपर्छ भनेर उनले टिकट किनेनन् । १५ सय रुपैयाँ खर्च गरेर उनले उम्मेदवारी दर्ता गरेका छन् । यस्ता उम्मेदवारलाई जिताउनुपर्छ भनेर खटिन आएको हुँ ।’

जनकपुरधाम नगरपालिकामा साहुजी समुदायको मतसंख्या धेरै छ । त्यसमा पनि तेली साहहरूको मात्रै करीब १७ हजार मत रहेको छ । उक्त समुदायबाट जानकीराम साह एक्लो उम्मेदवार हुन् । यो समुदायको पनि प्रशस्त मत उनलाई आउने मिश्र बताउँछन् । 

मेयर निर्वाचित भएमा जनकपुरको विकासमा प्रतिबद्ध भएर काम गर्ने योजना रहेको जानकीरामले बताए । ‘जनकपुर मधेश प्रदेशको राजधानी पनि हो । तर राजधानी अनुसारको विकास यहाँ हुन सकेन । नयाँ जनकपुर बनाउनका लागि मेरो उम्मेदवारी हो’, जानकीरामले भने, ‘वडाध्यक्ष भएर पनि मैले प्रशस्त काम गरेको छु । यो नै मेरो जित्ने आधार हो ।’

जनकपुरको फोहर व्यवस्थापनका लागि ल्यान्डफिल साइट, गुठी जग्गाको संरक्षण र जनकपुरको मुख्य शहरमा मासु र मदिरा बिक्री नियन्त्रण गर्ने आफ्नो मुख्य योजना रहेको उनले बताए । 

जानकीराम साहले लाल्टिन चुनाव चिह्न पाएका छन् । 

ठेकेदारी पृष्ठभूमिका बलराम

जनकपुरको मेयरमा ठेकेदारी पृष्ठभूमिका बलराम महतोले पनि उम्मेदवारी दर्ता गराएका छन् । चर्चित र कतिपय अवस्थामा विवादित समेत रहेको रमण कन्स्ट्रक्सन सञ्चालन गर्दै उनी निर्माण व्यवसायमा लागेका छन् । तर चुनावी प्रचारका क्रममा उनले आफ्नो कम्पनी छोराको नाममा नामसारी गरिसकेको बताउने गरेका छन् । 

आफू विशुद्ध रूपमा जनकपुरधामको विकासको एजेन्डा लिएर चुनावमा आएको महतोको भनाइ छ । एडीबीको सहयोगमा जनकपुरभित्रका सडक स्तरोन्नतिको काम उनैको कम्पनी रमण कन्स्ट्रक्सनले गरेको थियो । चुनाव प्रचारको क्रममा महतोले जनकपुरको सडक आफूले बनाएको समेत भन्न भ्याएका छन् । जनकपुरमा मेयरका अन्य उम्मेदवार भने पैसाको बलमा उनी मेयर बन्न आएको आरोप लगाउँछन् ।

बलराम महतो

तर महतो सामाजिक सेवाको उद्देश्यले चुनावी प्रतिस्पर्धामा रहेको बताउँछन् । ‘व्यवसाय गर्ने भए नगरपालिकाको बजेटभन्दा ठूलो बजेटमा काम गरिरहेको मान्छे हुँ । जनकपुरमा आफैंले बनाएको संरचना संरक्षण नभएको देखेर चुनावमा आएको हुँ । परियोजना बनाउने र बजेट ल्याउने उपाय जानकारी भएकाले जनकपुरको विकासको नेतृत्व गर्नसक्छु’, महतोले भने । 

महतोले अरू उम्मेदवार चाहिँ उपमहानगरको बजेटमा व्यवसाय गर्न आएको आरोप लगाए । ‘म पैसाको बलमा चुनाव लड्न आएको होइन । म समाजसेवी पनि हो । समाजसेवाको प्रशस्त काम गरेको छु । यो नै मेरो चुनाव जित्ने आधार हो’, महतोले भने । 

महतोले आँप चुनाव चिह्न पाएका छन् । ‘आमका सीजन, बलरामका भिजन’ भन्ने चुनावी नारा उनले ल्याएका छन् ।

विवादको भुमरीमा लालकिशोर साह

गठबन्धनले उम्मेदवार बनाएका निवर्तमान मेयर लालकिशोर साह जनकपुरको शहरी क्षेत्रमा तीव्र आलोचित छन् । उनी आफैं भने पाँच वर्षमा जनकपुरधाम उपमहानगरलाई समृद्ध सांस्कृतिक शहर बनाउन भरमग्दुर प्रयास गरेको बताउँछन् । तर शहरवासी भने उनले कामै नगरेर पाँच वर्ष बिताएको आरोप लगाउँछन् । 

साहले मेयर हुँदा पिडारी चोकमा शहीदगेट बनाएका छन् । त्यहाँ मधेश आन्दोलनका शहीदको सालिक राखिएको छ । धनुष आकारमा बनाइएको गेटमा भगवान रामको प्रतिमा पनि छ । गेटको बनोट र लगानीको विषयलाई लिएर साह तीव्र आलोचित छन् । 

लालकिशोर साह

तर साह भने आफूले मेयर जितेमा अन्य तीनवटा यस्ता प्रवेशद्वार बनाउने योजना सुनाउँछन् । ‘जनकपुर प्रवेशको एउटा नाकामा हामीले भगवान रामको प्रतिमा सहितको गेट बनाएका छौं । अन्य तीनवटा नाकामा पनि जनक, सीता तथा सदानन्दको प्रतिमासहितको गेट बनाउने योजना छ’, साहले भने । 

त्यसबोहक, शहरको फोहर व्यवस्थापनको काम गर्न नसकेको भनेर साहको आलोचना हुने गरेको छ ।

जनकपुरको सडकको स्तरोन्नतिसँगै फोहर व्यवस्थापनका लागि ल्यान्डफिल साइट समेत बनाउने गरी एसियाली विकास बैंकसँगको ऋणमा परियोजना अघि बढाइएको थियो ।

ल्यान्डफिल साइटकै कारण उक्त परियोजना विवादित बनेपछि त्यसलाई स्थगित गरेर परियोजना अघि बढाइएको थियो । तर साहको कार्यकालभरि ल्यान्डफिल साइट व्यवस्थापनको काम अघि बढ्न सकेन । कर्मचारी अभावको कारण शहरको फोहर व्यवस्थापनमा सोचेजति सफल नभएको साहले स्वीकार गरे । 

जनकपुरका मतदाता सरोज मिश्र भन्छन्, ‘लालकिशोर साहले जनताको मन छुने एउटा पनि काम गरेका छैनन् । देखिने काममा एउटा शहीदगेट छ । त्यो शहीदगेट नभई विवादित गेट र कमाउने गेट मात्रै हो । त्यसमा साढे चार करोडको खर्च देखाइएको छ, जुन अविश्वसनीय छ ।’ 

अनुहारको खोजी

जनकपुरका जनताले यसपटकको निर्वाचनमा जनकपुरको समृद्धिको नेतृत्व गर्न सक्ने नयाँ अनुहार खोजेको स्थानीय मतदाता बताउँछन् ।

‘दलबाट आजित भएका मतदाताको मत स्वतन्त्र उम्मेदवारलाई जानसक्छ । कांग्रेसलाई भोट हाल्दै आएका धेरैले बागी उम्मेदवारलाई नै मत दिन सक्छन् । उनीसँग भावनात्मक सम्बन्ध हुन्छ । त्यसबाहेक, कतिपय मतलाई उम्मेदवारको पैसाले पनि प्रभावित पार्न सक्छ’, जनकपुरका बुद्धिजीवी जिवेश झा भन्छन् । त्यति हुँदा पनि मतदाताले अझै योग्य उम्मेदवार पाउन नसकेको छलफल स्थानीय स्तरमा हुने गरेको उनले बताए ।  

मिश्र पनि जनताले खोजेको जस्तो उम्मेदवार दलले दिन नसकेका कारण स्वतन्त्र उम्मेदवार बढी देखिएको बताउँछन् । ‘यसपटक जनताको मनस्थिति पार्टी नहेरेर काम गर्न सक्ने व्यक्ति रोज्ने भन्ने देखिएको छ । स्वतन्त्र उम्मेदवारलाई जिताएर पठाइयो भने भविष्यमा पार्टीहरूलाई पनि सुध्रिन दबाब हुन्छ’, मिश्रले भने । 

एमालेको बलियो उम्मेदवार तर छैन संगठन

व्यावसायिक पृष्ठभूमिको व्यक्ति भए पनि एमालेले उपमहानगरको चुनावमा स्वच्छ छविको व्यक्तिलाई उम्मेदवार बनाएको छ । तर जनकपुरमा चुनाव जित्ने गरी एमालेको संगठन बनिसकेको छैन । 

एमालेले चुनावी मैदानमा शिवशंकर साह (हिरा)लाई मेयरको उम्मेदवार बनाएर पठाएको छ । उद्योग वाणिज्य संघमा रहँदा उनले गरेको कामले जनकपुरका व्यावसायिक पृष्ठभूमिका व्यक्तिहरू उनीसँग सकारात्मक रहेको झाले बताए ।

‘पार्टीबाहिरको पनि केही स्वतन्त्र मत उनले बटुल्न सक्छन् । अघिल्लोपटक चुनाव प्रचार नै गर्न पाएका थिएनन् । अहिले खुलेर प्रचार गर्ने वातावरण छ । एमाले अध्यक्षप्रतिको आकर्षण त देखिएको छ तर चुनावै जित्ने माहोल भने बनिसकेको छैन’, झाले भने ।  

hAMROPATRO BELOW NEWS
TATA Below
कात्तिक १८, २०८०

जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो ।  जिल्ला प्रहरी कार्यालय जाजरकोटका ...

कात्तिक २१, २०८०

गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ ।  बाँचेकाहरू शोक र पीडामा छन् ।  ...

माघ १८, २०८०

​सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...

कात्तिक १८, २०८०

भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...

कात्तिक २०, २०८०

शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए ।​​ सोमवार अपरान्ह उनको शव लिएर मलामी...

कात्तिक १८, २०८०

गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ ।  ...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x