०२ असार २०८३, मंगलबार
ब्रह्माण्डमा धेरै रहस्य लुकेका छन् । वैज्ञानिकहरूले समेत यी रहस्यहरुको बारेमा अहिलेसम्म पत्ता लगाउन सकेका छैनन् ।
अन्तरिक्ष सधैं मानिसहरूको लागि जिज्ञासाको केन्द्र भएको छ । लाखौं रहस्यहरू अनन्त र असीमित ब्रह्माण्डमा लुकेका छन् ।
विज्ञानको दायरा बढेसँगै ब्रह्माण्डको रहस्यको पर्दा पनि बढेको छ । तर, यसैबीच यस्तो खबर आएको छ, जसको बारेमा थाहा पाएर विश्वका वैज्ञानिकहरू छक्क परेका छन् ।
एक नयाँ अनुसन्धानले ब्रह्माण्ड विस्तारै संकुचित हुँदै गएको खुलासा गरेको छ ।
ब्रह्माण्ड लगभग १३८० करोड वर्षदेखि विस्तार भइरहेको छ, तर अब भने यो रोकिएको छ । यो अनुसन्धान जर्नल प्रोसिडिङ्स अफ द नेसनल एकेडेमी अफ साइन्सेजमा प्रकाशित भएको छ ।
यस अनुसन्धानमा तीन वैज्ञानिकहरूले डार्क एनर्जीको प्रकृतिलाई मोडल गर्ने प्रयास गरेका छन् । वैज्ञानिकले यो मोडलिङ ब्रह्माण्डको विस्तारको विगतको अवलोकनको आधारमा गरेको हो ।
रहस्यमय शक्ति डार्क एनर्जीका कारण ब्रह्माण्ड तीव्र गतिमा विस्तार भइरहेको बताइन्छ । मोडेलमा डार्क एनर्जी एक एकाइ हो जसलाई क्विन्टेसेन्स भनिन्छ र यो समयसँगै नष्ट हुन सक्छ ।
शोधकर्ताहरूले रिसर्चमा पत्ता लगाएका छन् कि डार्क एनर्जीको प्रतिरोधी शक्ति सम्भवतः कमजोर हुँदै गइरहेको छ ।
शोधकर्ताहरूले ब्रह्माण्डको गति आगामी ६ करोड ५० लाख वर्षमा समाप्त हुने दाबी गरेका छन् । यसपछि, १० करोड वर्षमा ब्रह्माण्ड पूर्ण रूपमा विस्तार गर्न रोक्न सक्छ । त्यसपछि यो बिस्तारै कम हुन थाल्छ र लाखौं वर्षपछि समाप्त हुनेछ । वैज्ञानिकहरू भन्छन् कि त्यसपछि समय र अन्तरिक्षको जन्म हुनेछ ।
प्रिन्सटन युनिभर्सिटीको प्रिन्सटन सेन्टर अफ थ्योरेटिकल साइन्सका निर्देशक र यस अनुसन्धानका सहलेखक पॉल स्टेनहार्डले यो धेरै छिटो हुन सक्ने बताएका छन् । उनका अनुसार ६ करोड ५ लाख वर्षपहिले चिक्सुलुब क्षुद्रग्रह पृथ्वीसँग ठोक्किएको थियो, जसले डायनासोरहरूको युग समाप्त गरेको थियो । ब्रह्माण्डीयस्तरमा ६ करोड ५ लाख वर्षको अवधि भनेको धेरै छोटो हो ।
सन् १९९० को दशकमा वैज्ञानिकहरूले ब्रह्माण्ड तीव्र गतिमा विस्तार भइरहेको थाहा पाएका थिए । आकाशगंगाहरूबीचको दूरी पनि तीव्र गतिमा बढिरहेको छ ।
वैज्ञानिकहरूले यो द्रुत रूपमा बढ्दो रहस्यमय स्रोतलाई डार्क एनर्जी नाम दिएका छन्, जुन एक अदृश्य इकाइ हो ।
डार्क एनर्जीले गुरुत्वाकर्षणको विपरीत दिशामा कार्य गर्दछ । यसले ब्रह्माण्डको सबैभन्दा ठूलो वस्तुहरूलाई तान्नुको सट्टा तिनीहरूलाई टाढा धकेल्छ । तर, डार्क एनर्जीले ब्रह्माण्डको कुल द्रव्यमान-ऊर्जाको लगभग ७० प्रतिशत भाग बनाउँछ, यद्यपि यसको गुणहरू अझै रहस्यमय छ ।
अब ब्रह्माण्डको अन्तहीन विकास हुन्छ वा चाँडो अन्त्य हुन्छ त्यो भने आउने समयमै थाहा हुनेछ ।
