१८ असार २०८३, बिहीबार
गोसाइँकुण्ड गाउँपालिकाको मतगणना शुरू भएको छ । भौगोलिक विकटताका कारण पैदल मार्गबाट आज अपराह्न मात्र मतपेटिका धुञ्चे पुर्याइएका कारण गोसाइँकुण्ड गाउँपालिकाको मतगणना ढिलो भएको हो । मतगणना साँझ सवा सात बजेदेखि शुरू भएको हो ।
मुख्य निर्वाचन अधिकृत राजेन्द्र नेपालका अनुसार आमाछोदिङ्मो, उत्तरगया, कालिका र नौकुण्ड गाउँपालिकामा मतगणना कार्य गएरातिदेखि शुरू भएको र तीनवटा वडाको मत परिमाण सार्वजनिक भइसकेको छ । पछिल्लो जानकारीअनुसार रसुवा जिल्लामा पाँच हजारभन्दा बढी मतगणना भइसकेको र गणना कार्य निरन्तर जारी रहेको बताइएको छ ।
पाँच गाउँपालिकाको कूल ३८ हजार ५४५ मतदातामध्ये ५१ मतदान केन्द्रबाट ३० हजार चारजना मतदाताले मतदान गरेको जनाइएको छ । तीमध्ये महिला १४ हजार ४२८ एवं १५ हजार ५७६ पुरुष मतदातले मतदान गरेका थिए ।
