चौतारा साँगाचोकगढी नगरपालिका प्रमुखमा माओवादी केन्द्रका उम्मेदवार कृष्णप्रसाद सापकोटा विजयी भएका छन् । 

सापकोटाले नेकपा एमालेका इन्द्रबहादुर नेपाललाई ४ हजार २८७ मतले पराजित गरेका हुन् ।

सापकोटाले ११ हजार ७२ मत ल्याएर विजयी भए भने एमालेका नेपालले ६ हजार ७८५ मत मात्रै पाए । 

चौताराको उपप्रमुखमा एकीकृत समाजवादीकी सीता थापाले जित हासिल गरेकी छिन् । उनले एमालेको बालकुमारी सापकोटालाई २ हजार ८४९ मतले पराजित गरेकी छिन् । 

थापाले ९ हजार ७२६ मत ल्याएकी थिइन भने सापकोटाले ६ हजार ८७७ मत पाएकी थिइन । 

चौतारा साँगाचोकगढीमा माओवादी केन्द्र र एकीकृत समाजवादीले गठबन्धन गरेको थियो । 

अघिल्लो चुनावमा निर्वाचित माओवादी केन्द्रका अमानसिंह तमाङलाई एमालेमा ल्याएर कांग्रेस एमालेको चुनावी गठबन्धन बनाउने प्रयासमा चौतारामा भएको थियो । तर, अन्तिम समयमा उक्त प्रयास फेल भएपछि कांग्रेस र एमालेले एक्लाएक्लै उम्मेदवारी दिएका थिए ।