१४ असार २०८३, आइतबार
नेपालका एक मात्र रोयल इनफिल्डका भेट्रान सोलो राइडर प्रमोद श्रेष्ठ 'गुफी'ले सगरमाथा सफल आरोहण गरेका छन् । उनले जेठ १ गते बिहान ७-८ बजेतिर सगरमाथाको सफल आरोहण गरेका हुन् ।
उनले आरोहण ११ अप्रिलमा शुरू गरेका थिए । उनले १० जना विभिन्न मुलुकका पदयात्रीसँगै आरोहण पूरा गरेका हुन् ।
सगरमाथा आरोहण '८८४८ बालिकालाई बालविवाहविरुद्ध शिक्ष' अभियानलाई सफल बनाउन अल्फा अटोमोटिभ प्रा.लि.ले त्रिवेणी ग्रुपको कार्यालयमा अप्रिल ९ मा एक कार्यक्रम आयोजना गर्दै कम्पनीका निर्देशक हर्ष संघाइले शुभकामनाका साथै रोयल इनफिल्डको झण्डा पनि प्रदान गरेका थिए ।
प्रमोद श्रेष्ठ 'गुफी'ले सगरमाथाको चुचुरोमा रोयल इनफिल्डको झण्डा सफलतापूर्वक पुर्याई फहराए ।
'बिश्वको एक मात्र पुरानो मोटरसाइकल कम्पनी रोयल इनफिल्डको नेपालका लागी आधिकारिक बिक्रेता त्रिवेणी समुह अन्तर्गतको अल्फा अटोमोटिभ प्रा. लि. ले नेपालभर बिक्री अनुमति पाएको हो l कम्पनीले आफ्नो बिक्रि, सर्भिस एवं सन्जाल विस्तार कार्य शुरू गरिरहेको छ,' कम्पनीले जारी गरेको विज्ञप्तिमा भनिएको छ ।
