०८ साउन २०८३, शुक्रबार
रुसको रक्षा मन्त्रालयले मरिउपोलको आजोभस्टाल स्टील कारखानामा लुकेका ६९४ युक्रेनी सैनिकहरूले आत्मसमर्पण गरेको बुधवार जानकारी दिएको छ ।
यो एक दिनको आँकडा हो । अहिलेसम्म सबै गरी ९५९ सैनिकहरूले आत्मसमर्पण गरिसकेको रुसको भनाइ छ ।
तीमध्ये ८० जना घाइते छन् । घाइतेमध्ये पनि ५१ जनालाई अस्पतालमा उपचार गराउनुपर्ने अवस्था छ । उनीहरूलाई नोभोआजोव्स्क अस्पतालमा भर्ना गरिएको छ ।
आत्मसमर्पण गरेका सैनिकहरूलाई युद्धबन्दी साटासाट अन्तर्गत युक्रेनलाई बुझाउन जेलेन्स्की सरकारले आह्वान गरेको छ ।
