पुस १०, २०८०
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
जेठ ७, २०७९
काठमाडौं महानगरपालिकामा भित्रि नेवारी बस्ति भनेर चिनिएका वडाको मतगणना हुँदा पनि एमाले र कांग्रेसका उम्मेदवारले आशा गरेजति मत पाउन सकेनन् ।
काठमाडौंको ‘कोर एरिया’ भनेर चिनिने रैथाने नेवार वस्तीको मतको आधारमा काठमाडौंको मेयरको निर्णायक नतिजा आउने विश्लेषण हुने गरेको थियो । ती क्षेत्रको मतदाताले काठमाडौं बाहिरको उम्मेदवारलाई नरुचाउने तर्क सहित रैथाने उम्मेदवार नै हुँदा दलहरुलाई नतिजा निकाल्न सजिलो हुने भाष्य स्थापित थियो । तर, यस पटकको निर्वाचनमा त्यस्तो भाष्य खण्डित भएको छ ।
बैशाख ३० गते सम्पन्न स्थानीयत तह निर्वाचनको अर्को दिनदेखि शुरु भएको मतगणना मध्यान्तरमा पुगेको छ । १ लाख ९१ हजार हाहाहारीमा खसेको मतमध्ये शनिबार अपरान्हसम्म ९७ हजार ५३९ मत गणना भइसकेको छ ।
अहिलेसम्म स्वतन्त्र उम्मेदवार बालेन्द्र साह (बालेन) १५ हजार मतान्तरले अगाडि छन् । शनिबार दिउँसो साढे ४ बजेसम्म बालेनले ३४ हजार ४८७ मत ल्याउँदा स्थापितले १९ हजार १५० र सिर्जना सिंहले १८ हजार ८३१ मत ल्याएकी छन् ।
अहिलेसम्म प्राप्त मतको अनुपात हेर्दा स्वतन्त्र उम्मेदवार बालेनलाई पछि पार्न स्थापित र सिर्जनाले चमत्कार गर्नुपर्ने हुन्छ । बालेनले लगभग ३६ प्रतिशत भोट ल्याएर छन् । एमालेका स्थापित र काँग्रेसकी सिंहले २० प्रतिशतको आसपासमा मात्रै मत ल्याएका छन् ।
शुरुमा महानरपालिकाको १ र ३२ नम्बर वडाको मतगणना भएको थियो । दुवै वडामा वडाअध्यक्ष भने एमालेका उम्मेदवारले जितेका छन् । तर, मेयर पदमा भने बालेनलाई धेरै मत आएको छ । अहिलेसम्म १ देखि ६, ८, २८, २९, ३० र ३२ नम्बर वडाको मतगणना सकिएको छ । त्यसमध्ये कांग्रेसले ६, २९ र ३० नम्बर वडा जितेको छ। बाँकी १ देखि ५, ८, २८ र ३२ वडामा भने एमालेले अध्यक्ष जितेको छ ।
स्थापित र सिंह दुवैले कोर एरियाबाट आफूलाई धेरै मत आउने अपेक्षा गरेका थिए । रैथाने नेवारी वस्तिभन्दा बाहिरको मत स्वीङ हुने भएकाले बालेनले धेरै मत पाएको तर, कोर एरियामा पुग्दा नतिजा उल्टिने विश्लेषण एमाले र कांग्रेस दुवैको थियो । तर, कोर एरियामा पनि उनीहरुको जोर चल्ने देखिएन । कोर क्षेत्रको मतगणनामा पनि स्वतन्त्र उम्मेदवार बालेन नै आगाडि देखिएका छन् ।
‘कतिपय वडामा हामीलाई राम्रो मत नआएको होइन, तर बालेको पक्षमा जसरी हुरी चलिरहेको छ, अब उनलाई पछि पार्न कठिन छ’ मतगणना स्थलमा भेटिएका कांग्रेसका एक नेताले लोकान्तरसँग भने ।
केशव स्थापितको वडा २८ नम्बर वडामा एमालेले जिते पनि बालेनको भोट स्थापितको भन्दा थोरै मात्रै कम छ । त्यो वडामा ७ सय ४१ मत स्थापितले पाउँदा बालेनले ७ सय १७ मत ल्याएका छन् । सिर्जनालाई उक्त वडामा ७१० मत मात्रै आयो । अर्को कोर एरिया मानिएको २९ नम्बर वडामा त झन स्थापित भन्दा ७०२ मतले बालेन अगाडि भए ।
मतको अहिलेको अनुपात हेर्दा कोर क्षेत्र मानिएको २० देखि २८ नम्बर वडामा पनि एमाले–कांग्रेस भन्दा बालेन नै अगाडि हुने देखिन्छ ।
यद्यपी, अझै ९० हजारको हाराहारीमा मतगणना हुन बाँकी छ । एमालेका स्थापित वा कांग्रेसकी सिंहले बालेनलाई जित्नको लागि बालेनलाई जित्नको लागि उनले पाउने मत २० प्रतिशतमा सीमित हुनुपर्छ र स्थापित वा सिंहले पाउने मत ४० प्रतिशतमा बढोत्तरी हुनुपर्छ । यस्तो चमत्कारको सम्भावना लगभग सकिएको छ ।
शनिबार दिउँसोसम्मको मत गणनामा वडा नम्बर– २४ र २७ मा भने केशव स्थापित अगाडि छन् । ‘मेयरको मत लौरोमा र बाँकी रूख या सूर्यमा हालेका छन् । मतदाताको मनोविज्ञान बुझ्नै सकिएन’ गणना स्थलमा भेटिएका एमालेका एक कार्यकर्ताले भने ।
८ नम्बर वडामा राम्रो मत पाएपछि बिहीबार दिउँसो सिर्जना सिंह मतगणना स्थल पुगेकी थिइन् । ‘कोर एरियामा गएपछि मेरो राम्रो भोट आउँछ, त्यही मतको आधारमा जित्नेमा आशावादी छु’, त्यसदिन सिंहले भनेकी थिइन् ।
सुस्त गतिमा भइरहेको मतगणनाको नतिजा आफ्नो पक्षमा नआएपछि राष्ट्रिय सभागृह बाहिर एमाले र कांग्रेसका कार्यकर्ताको चहलपहल घटिरहेको छ । अहिलेकै रफ्तारमा मत गणना हुँदा काठमाडौं महानगरको नतिजा आउन अर्को हप्ता कुर्नुपर्ने सम्भावना छ । गणना सकिएका ठाउँका कर्मचारी ल्याएर भए पनि आइतबारदेखि गणना छिटो गराउने तयारी भइरहेको निर्वाचन आयोगले बताएको छ ।
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
जसपाबाट उपराष्ट्रपतिमा रामसहाय यादवको उम्मेदवारी कायम भएको छ। सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...