×

Dabur
Nic Asia
Marvel

बढ्दो व्यापार घाटा

१० महिनामै बाहिरियो बजेट बराबरको १६ खर्ब, मल अभाव यस वर्ष पनि दोहोरिने

काठमाडाैं | जेठ ८, २०७९

TVS INSIDE

नेपालबाट १० महिनामै वस्तु तथा सेवाको खरीदमा १६ खर्ब ४ अर्ब रूपैयाँ बाहिरिएको छ । नेपालको वर्षभरिको बजेटकै आकारमा वैशाखसम्म उक्त रकम बराबरको आयात भएको हो ।

morang Auto yamaha

चालू आर्थिक वर्षका लागि सरकारले १६ खर्ब ३२ अर्ब रूपैयाँको बजेट विनियोजन गरेको छ । यही बजेटकै आकारसरहको रकम चालू आवको साउनदेखि वैशाखसम्ममा आयात गर्दा बाहिरिएको भन्सार विभागको तथ्यांकले देखाएको छ । 


Advertisment
NMB BANK
RMC TANSEN
Saurya island

विभागको तथ्यांकअनुसार चालू आवको वैशाखसम्ममा अत्यावश्यक उपभोग्य वस्तुदेखि विलासिताका वस्तुसम्मको खरीदमा उक्त रकम खर्च भएको हो । यस्तो आयात गत वर्षको सोही अवधिको तुलनामा २७.९५ प्रतिशतले बढेको छ । गत वर्ष यो अवधिसम्ममा यस्तो आयात १२ खर्ब ५४ अर्ब रूपैयाँको मात्रै थियो । 

यो अवधिमा निर्यात भने ५९.८ प्रतिशतले बढेको छ । वैशाखसम्ममा निर्यात १ खर्ब ७३ अर्ब रूपैयाँको भएको छ । यस्तो निर्यात गत वर्षको सोही अवधिसम्ममा १ खर्ब ८ अर्ब रूपैयाँको मात्रै थियो । निर्यातको वृद्धिदर राम्रो देखिएको भए पनि आयातको तुलनामा यसको हिस्सा न्यून मात्रै छ । 

Vianet communication
Maruti inside

अत्यावश्यक १० वस्तु किन्नमै सकियो ५ खर्ब

नेपालमा अधिक खपत हुने प्रमुख १० वस्तुको खरीदमै करीब ५ खर्ब रूपैयाँ सकिएको छ । भन्सार विभागको तथ्यांकअनुसार इन्धन, खाने तेल, सुन, मोबाइलसहितका १० प्रकारका वस्तुको खरीदमै ४ खर्ब ९५ अर्ब रूपैयाँ सकिएको छ । 

विभागका अनुसार आयात गर्दा सबैभन्दा बढी खर्च पेट्रोलियम पदार्थमा हुने गरेको छ । वैशाखसम्ममा डिजेलमा मात्रै १ खर्ब २३ अर्ब, पेट्रोलमा ५४ अर्ब, ग्यासमा ५२ अर्ब, भटमासको कच्चा तेल किन्नमा ४९ अर्ब रूपैयाँ खर्च भएको छ । एमएस विलेटमा ४३ अर्ब, मोबाइल फोन किन्दा ३६ अर्ब, सुनमा ३५ अर्ब, कच्चा पाम तेलमा ३४ अर्ब, एचआर सिटमा ३२ अर्ब र भ्याक्सिन खरीदमा ३२ अर्ब रूपैयाँ खर्च भएको देखिएको छ । 

अत्यावश्यक तथा नेपालीले बढी खपत गरेका कारण यही १० वस्तु खरीदका कारण आयातको ग्राफ उकालो लागेको पनि देखिएको छ । तथ्यांकअनुसार वैशाखसम्ममा डिजेल, कच्चा तेल, भ्याक्सिन, पेट्रोल, ग्यास, सुन, फलाम, एचआर सिट र भटमासको कच्चा तेल किन्दा गत वर्षको भन्दा १ खर्ब १२ अर्ब रूपैयाँ बढी खर्च भएको छ । 

यी वस्तुहरूको खरीदमा यो वर्ष ४ खर्ब ३४ अर्ब रूपैयाँ खर्च भएको छ । यस्तो खर्च गत वर्ष वैशाखसम्ममा २ खर्ब २५ अर्ब रूपैयाँ मात्रै थियो ।

ठेकेदारले ल्याउन सकेनन् मल, अभाव दोहोरिने

बर्सेनि खेती किसानी गर्ने बेला हुने मलको अभाव यो वर्ष पनि दोहोरिने भएको छ । 

वैशाखसम्ममा नेपालमा भित्रिएको डीएपी मलको आयात मात्रै गत वर्षको सोही अवधिको तुलनामा ४०.२७ प्रतिशतले घटेको छ । 

यो वर्ष जम्मा ४ अर्ब ६७ करोड रूपैयाँको मात्रै मल आएको छ । यो वर्ष वैशाखसम्ममा ९ करोड ४८ लाख केजी मल भित्रिएको छ । गत वर्ष भने यस्तो आयात ७ अर्ब ९३ करोड रूपैयाँबाट १८ करोड ५२ लाख केजी डीएपी मल मात्रै आयात भएको भन्सार विभागको तथ्यांकले देखाएको छ ।

रसिया–युक्रेन युद्धका कारण अन्तर्राष्ट्रिय बजारमा मलको भाउ अस्वाभाविक बढेको हुँदा नेपाली ठेकेदारले मल ल्याउन नसकेको कृषि सामग्री कम्पनी लिमिटेडका सूचना अधिकारी पुण्यप्रसाद उपाध्यायले बताए । 

उपाध्यायले भने, ‘बेलैमा मल ल्याउन गरिएको ठेक्कामा ठेकेदारले समयसीमाभित्र यो वर्ष पनि मल ल्याउन सकेनन् । यो वर्ष आधा दर्जन ठेकेदारले ठेक्का लिइसकेको डेढ लाख टन मल नआउँदा गत वर्ष जस्तै यो वर्ष पनि मलको अभाव हुने भएको छ ।’

तोकिएको समयमा मल नल्याउने ती ठेकेदार भने कारवाहीको दायरामा पर्ने भएका छन् । ठेकेदार कारवाही गर्न कृषि सामग्री कम्पनीले सूची तयार पारेर प्रक्रिया अगाडि बढाइसकेको छ । समयमा नै मल ल्याउँछु भनेर ठेक्का लिएका ती ठेकेदारले न्यूनतम ५ हजार टनदेखि १५/२० हजार टनसम्मको ठेक्का लिएर मल नल्याएको उपाध्यायले बताए । 

न्यून मूल्यमा प्रस्ताव हालेर ठेक्का पार्ने गरेको तर किन्ने बेलामा भने अन्तर्राष्ट्रिय बजारमा मूल्य बढिसक्ने हुनाले मल ल्याउन नसकेको तर्क नेपाली ठेकेदारहरूले दिने गरेको उपाध्याय बताउँछन् । 

ठेक्का लिइसकेपछि मल ल्याउन नसक्ने ठेकेदारलाई कारबाही गरेर पुनः अर्को ठेक्का लगाउने काम पनि भइरहेको उपाध्यायले बताए । नेपालमा मल उत्पादन नहुने, अन्तर्राष्ट्रिय बजारमा भर पर्नुपर्ने र त्यो पनि चाहेको बेला नपाइने हुँदा चाहेर पनि बर्सेनि मल अभावको समस्या टार्न नसकिएको कृषि सामग्री लिमिटेडको भनाइ छ ।

यो वर्ष सरकारले ७ लाख मेट्रिक टन मल आवश्यक पर्ने अनुमान गरेको भए पनि हालसम्म आधा क्षमतामा पनि मल आउन नसक्दा सहज हुन नसकेको उपाध्यायले बताए ।

Mega
TATA Below
NLIC
असार २१, २०७९

सरकारले फेरि पेट्रोलियम पदार्थको भाउ बढाएको छ । नेपाल आयल निगमले सोमवार राति बढाएको भाउ  मध्यरातदेखि भइसकेको छ । निगमले पेट्रोलमा प्रतिलिटर २ रुपैयाँ तथा डिजेल र मट्टितेलमा ९ रुपैयाँ...

असार २०, २०७९

सोमवार नेपाली बजारमा सुनचाँदीको मूल्य स्थिर रहेको छ । यस दिन सुन प्रति तोला ९७ हजार ५ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । अघिल्लो दिन पनि सुन सोही मूल्यमा कारोब...

असार २२, २०७९

कालिमाटी फलफूल तथा तरकारी बजार विकास बोर्डले कालिमाटी तरकारी बजारका लागि नयाँ मूल्यसूची कायम गरेको छ । बोर्डका अनुसार कालिमाटी फलफूल तथा तरकारी बजारमा आज ठूलो गोलभेँडा (भारतीय) ९० देखि १०० रूपैयाँस...

असार २२, २०७९

एनसेल आजियाटा लिमिटेडले आफ्नो व्यावसायिक सामाजिक जिम्मेवारी अन्तर्गत काठमाडौंको कोटेश्वरदेखि कलंकी सडकखण्डको ग्रीन बेल्ट क्षेत्रमा हरियाली निर्माण तथा संरक्षण गर्दै आएको 'रिङरोड ग्रीन बेल्ट'को उद्घाटन गरेको...

असार २१, २०७९

उदयपुरको त्रियुगा र चौदण्डीगढी नगरपालिका क्षेत्रमा गत शनिबार आएको बाढीले विद्युत्का पोल ढालेपछि ती नगर क्षेत्र सहित अन्य गाउँ अन्धकारमय बन्न पुगेका छन् । त्रियुगा –२ लुहालेखोलामा आएको बाढीले विद्युत् पोल...

असार २१, २०७९

नेपाली बजारमा मंगलवार सुनको मूल्यमा सामान्य वृद्धि भएको छ । यस दिन सुनको मूल्य प्रति तोला ९७ हजार ६ सय रुपैयाँ कायम गरिएको नेपाल सुनचाँदी व्यवसायी महासंघले जनाएको छ ।  सोमवार यस्तो सुनको मूल्य प्...

'एकपछि अर्को प्रभावशाली नेता सिध्याउने मिसनको साक्षी नबनून् प्रचण्ड'

'एकपछि अर्को प्रभावशाली नेता सिध्याउने मिसनको साक्षी नबनून् प्रचण्ड'

असार २२, २०७९

‘सौ चुहा खाके बिल्ली चला हजको’ (सय मुसा खाएर बिरालो हज गयो ) भन्ने हिन्दी उखानलाई चरितार्थ गर्ने गरी नारायणहिटी दरबारभित्रको बतास काण्ड, पशुपतिनाथ धर्मशाला, वायुसेवा निगमको वाइडबडी, ओम्नी ग्रुप क...

संस्मरण : सडकका खाल्डा पुरिएलान् कि भनेको उल्टै मविरुद्ध उजुरी पो परेछ !

संस्मरण : सडकका खाल्डा पुरिएलान् कि भनेको उल्टै मविरुद्ध उजुरी पो परेछ !

असार १९, २०७९

गएको जेठ महिनायता (यो आलेख लेख्दासम्म) मैले ललितपुर महानगरपालिका वडा नम्बर २२ स्थित चुनिखेल र भैँसेपाटीको उकालोमा राज्यले थापेको धरापमा परेर लडेका चारजना स्कूटी चालक (आमा–बच्चासहित)लाई आफ्नो गाडीमा र...

'यसरी कम गर्न सकिन्छ मुलुकमा आर्थिक संकटको जोखिम'

'यसरी कम गर्न सकिन्छ मुलुकमा आर्थिक संकटको जोखिम'

असार १९, २०७९

विदेशी मुद्रा सञ्चिति नै अर्थतन्त्रको अवस्था देखाउने एउटा चित्र हो । सामान्यतया धनी देशहरूमा ३ महिनाका लागि विदेशी मुद्राको सञ्चिति भए पनि पुग्छ । तर, नेपालजस्तो गरीब देशका लागि भने कम्तिमा ६ महिनाका लागि मौज्दा...

ad
x