रुपन्देहीको लुम्बिनी सांस्कृतिक नगरपालिकाको प्रमुखमा नेपाली कांग्रेस र उपप्रमुखमा नेकपा एमाले विजयी भएको छ । 

प्रमुखमा नेपाली कांग्रेसका सजरुद्दिन खान ८ हजार २११ मत ल्यायी विजयी भएका छन् । उनका प्रतिस्पर्धी डा. सीके राउत नेतृत्वको जनमत पार्टीका उम्मेदवार चन्द्रकेश गुप्ताले ५ हजार ५९६ मत ल्याएका छन् ।

त्यस्तै उपप्रमुखमा नेकपा एमालेकी कल्पना हरिजन विजयी भएकी छन् । उनले ६ हजार ९६९ मत पाएकी छन् । उनका प्रतिस्पर्धी जनता समाजवादी पार्टीकी शवनम जहाँशेख ४ हजार ९०९ मत ल्याएकी छन् ।

नेकपा एमालेले ५ वटा वडा जितेको छ । नेपाली कांग्रेसको ३ वडा, जनता समाजवादीका ३ वडा र लोकतान्त्रिक समाजवादी १ वडामा जित निकालेको छ । वडा नं. ७ मा भने जनमत पार्टी र जनता समाजवादी पार्टीका उम्मेदवारको मत बराबर छ ।