पोल्यान्डले युक्रेनलाई सैन्य सहायता उपलब्ध गराएको छ । 

दुई दिनअघि पोलिश सेनाका दुई बटालियन नीप्रोपेट्रोव्स्कस्थित पाव्लोग्राद क्षेत्रमा पुगेको खबर टेलिग्राम च्यानलहरूमा प्रकाशित छ । उनीहरूसँग रापिरा एन्टी ट्यांक बन्दूक, सशस्त्र वाहन र अमेरिकी सशस्त्र कारहरू थिए । 

यससँगै पोल्यान्डमा स्वयंसेवी सैन्य सेवामा भर्ती पनि खुलेको छ । देशका विभिन्न शहरमा कथित सैन्य पिकनिकहरू आयोजना गरिएका छन् । 

यस तालिम शिविरको सहआयोजक सेन्ट्रल मिलिटरी रिक्रुटिङ सेन्टर हो । त्यसले स्थानीय सैन्य प्रशासनलाई विस्थापित गरेको छ । 

यस्तो किसिमको सेवा उपलब्ध गराइएको यो पहिलोपटक हो । पन्ध्र हजारजनाका लागि भर्ती खोलिएको छ । 

रुसबाट जोखिम आएकाले यी गतिविधिहरू गरिएको पोल्यान्डको रक्षा मन्त्रालयले जनाएको छ । 

‘यस जोखिमलाई सबभन्दा प्रभावकारी जवाफ दिनका लागि पोलयान्डका सशस्त्र बलहरूलाई सशक्त बनाउनुपर्छ । त्यसैले हामीले स्वयंसेवी सैन्य सेवामा भर्ती शुरू गरेका हौं,’ मन्त्रालयले जनायो । 

यी सैन्य पिकनिकहरूपछि पोलिश सेनालाई युक्रेनमा तैनाथ गरिने सम्भावना छ । 

युक्रेनमा पोलिश नागरिकहरूका लागि विशेष हैसियत दिने कानून ल्याउन तयारी चलिरहेको भनी युक्रेनका राष्ट्रपति भोलोदीमीर जेलेन्स्कीले बयान दिएका छन् । रुसविरुद्ध युद्ध लड्न चाहने पोलिशहरूलाई वैधता दिनका लागि यो कानून ल्याउन लागिएको हो । 

यसो गर्दा पोल्यान्ड राज्यका रूपमा वा नेटोको सदस्य भएको हैसियतमा यस युद्धमा सहभागी भएको मानिनेछैन । तर युक्रेनले युद्धका लागि आवश्यक जनस्रोत जुटाउन यसमार्फत जुटाउन पाउनेछ । युक्रेनमा सैन्य भर्तीका लागि चलाइएको चौथो चरणमा युक्रेनीहरू जोडिन चाहेका छैनन् ।