×

Dabur
Nic Asia
Marvel

आलेख

ओलीको 'पर्सनल अट्याक'ले रोक्न नसकेको रेनुको विजयी यात्रा

काठमाडाैं | जेठ १०, २०७९

TVS INSIDE

केपीबा (एमाले अध्यक्ष केपी शर्मा ओली) धेरैका बा थिए, तर कतिपयका लागि उनी बाजस्ता थिएनन् । मलाई लाग्छ, बा हुनका लागि आवश्यक गुण ओलीसँग छैन । बा त्यस्तो व्यक्ति हो, जसले सबैका छोराछोरीलाई आफ्नैसरह माया गर्छ, गालीगलौज गर्दैन; बरु प्रेरणा दिन्छ ।

morang Auto yamaha

तर, यहाँ त नेकपा माओवादी केन्द्रका अध्यक्ष पुष्पकमल दाहाल प्रचण्डको छोरी भएकै कारण रेनु दाहाल ओलीको आँखाको तारो बनिन् । उनले यति गाली खाइन् कि मानौं ओलीको प्रमुख राजनीतिक दुश्मनी नै रेनुसँग हो । माउमाउ लड्न छाडेर बाच्छाबाच्छीसँग जुध्न आइपुग्ने ओलीको शैली बा भन्न लायक थिएन र छैन ।


Advertisment
NMB BANK
RMC TANSEN
Saurya island

यतिखेर भरतपुरमा विजयी जुलुस निस्किरहेको छ । तर राष्ट्रिय बा ओली खुशी छैनन्, किनकी आफ्नो छोरी नभई प्रचण्डको छोरीले जितेको भन्ने उनलाई लागेको छ । यतिखेर बालकोटको सोफामा पराजयपछिको समीक्षा बैठक चलिरहेको हुनुपर्छ । न हाँस्नु, न रुनुको अवस्थामा बाले 'देश दुर्घटनाबाट जोगियो' भनेर आफ्नो मनलाई थामथाम थुमथुम पारिरहनुभएको होला ।

बाले बुझ्नुपर्छ, देश भनेको मोटरसाइकल हैन । राजनीतिक भाषामा दुर्घटना भनेको के हो, एक वर्षसम्म अदालतसँग मुद्दा लडेर बसेको प्रमलाई थाहा नहुने कुरै भएन । खैर, छुच्चो मुख लगाएर सबैलाई गाली दिने बा आफ्नै क्षेत्रमा पनि हार्नुभयो । रेनु दाहालले हारेको देख्न चाहने पापी मानसिकताबाट पनि हार्नुभयो ।

Vianet communication
Maruti inside

'तपाईं (केपी ओली)लाई भोट माग्न प्रचण्ड झापा नगएको भए मेरो भाइ (प्रकाश दाहाल) मर्नुपर्ने थिएन' भन्दै रेनुले केही महिनाअघि ओलीको आलोचना गरेकी थिइन् ।

'पर्सनल अट्याक' भन्ने अंग्रेजी शब्दलाई सिद्धान्त नै बनाएका ओलीले व्यक्तिगत तबरमै गएर आलोचना गरेकोगर्‍यै गरेपछि रेनुको मनमा रहेको दु:खद् स्मृति मुखरित हुन पुगेको थियो ।

विगत केही महिनायताका सार्वजानिक भाषणमा ओलीले कैयनपटक पर्सनल लेभलमै गएर रेनुको आलोचना गरे ।

'प्रचण्डले आफ्नी छोरी बोकेर हिँडेको, अरू कसैका छोरी जिताउन एमाले नलाग्ने, कांग्रेसले माओवादीको छोरी काँधमा बोकेर हिँडेको छ,' यस्तै शब्दहरू दिनहुँजसो ओलीको मुखबाट निस्किरह्यो ।

भरतपुरको मेयरमा जसरी पनि रेनु दाहाललाई हराउने ओलीको मिसन थियो । त्यसैले उनको तालमेल राप्रपासँग भएको थियो। वाक्कदिक्क भएर एकदिन प्रचण्डले 'आफ्ना छोराछोरी हुनु, नातिनातिना हुनु' कुनै कमजोरी नभएको भन्दै सार्वजनिक कार्यक्रमबाटै जवाफ फर्काएका थिए ।

तर पनि ओलीले सन्तानकेन्द्रित  गालीगलौजलाई निरन्तरता दिइरहे ।  ओलीको  गालीगलौज सुन्दा उनी यो देशको प्रधानमन्त्री बन्न कसरी सके भन्ने लाग्थ्यो । कुनै एक उम्मेदवारको पछाडि देशको प्रधानमन्त्री भैसकेको मान्छे यो हदसम्मको गालीगलौजमा उत्रिनुपर्थ्यो र ? तर राजनीतिक भाषा कम र इगोको भाषा धेरै बोल्ने ओलीलाई प्रचण्ड र उनको सन्तानहरूसँग निकै ठूलो रिस रहेछ ।

चुनावी अभियानका दौरान उनले सबैभन्दा धेरै शब्दवाण प्रचण्डलाई हाने । प्रचण्ड सँगसँगै रेनु दाहाललाई पनि शब्दवाण हाने । उनलाई थाहा थियो, भरतपुरमा रेनुलाई चुनाव हराउनु भनेको प्रचण्डलाई हराउनु हो ।

बाउसँगको राजनीतिक बदला उनी छोरीसँग लिन चाहन्थे । छोरीको हारमा उनले बाउको पनि हार देखेका थिए। र, त्यो हारमा आफ्नो जीत देखेका थिए । पूर्व प्रधानमन्त्रीको मर्यादाभन्दा बाहिरका उनका संकीर्ण गालीगलौज परिवारका सदस्यहरूसँग बसेर सुन्नलायक थिएनन् ।

केपी ओलीको सिको गरेर रेनु दाहाललाई राजनीतिक हिंसा गर्नेहरू हजारौं थिए । ओलीका फ्यानहरूले पनि त्यो निरन्तरता दिए । माओवादी आन्दोलन विरोधीहरूले त आगोमा घिउ थप्ने नै भए। केपी ओली प्रचण्ड र रेनु दाहालसँग एक प्रकारको आगो नै ओकलिरहेका थिए र अरूहरू घिउ । भरतपुरलाई कुरुक्षेत्र बनाइएको थियो । कुरुक्षेत्रमा प्रचण्ड र केपी ओलीको लडाईं चलिरहेको थियो। कोपभाजनमा थिइन्, रेनु दाहाल।​

विचरी रेनु दाहाल आफैं केपी ओलीसँग निहुँ खोज्न हिँडेकी त हैनन्। केपी ओलीले आफ्नो समकक्षी नेताकी छोरीसँग जोरी खोज्ने कुरा वरीयताले पनि मिल्थेन । सबैभन्दा धेरै पूर्वीय दर्शनको गुणगान गाउने ओलीले कसैको सन्तानमाथि त्यति धेरै घृणा किन ओकल्नुपर्थ्यो र ?

जे होस्, कुरुक्षेत्रमा आगोसँग खेलेर रेनु दाहालले भरतपुरको मेयरमा शानदार जीत हात पारेकी छिन् ।  अहिलेको स्थानीय निर्वाचनमा राष्ट्रिय अन्तर्राष्ट्रिय रूपमा चर्चाको विषय रहेको भरतपुरमा रेनु दाहाललाई हराउन ओलीले भएभरको शक्ति प्रयोग गरेका थिए, तर पनि जनताको अभिमतका उपर उनको जोर चलेन । सम्भवत: बालकोटको खोपीमा बसेर रेनु दाहाल विजयी भएको खबर पढ्दा ओलीलाई बसिखानु भएकै छैन ।

उमेरको हिसाबमा पनि  देशको सिनियर नेता भएर कसैका सन्तानमाथि विषवमन गर्ने संसारमा विरलै छन्। तर बाउ नेता भएपछि छोराछोरी पनि नेता भएर निस्किने उदाहरण संसारमा प्रसस्तै पाइन्छ ।

केपी ओलीको गाली सहेर अगाडि बढेकी रेनुको यात्रा विजयी जुलुसमा परिणत भएको छ । उनको लोकप्रियताको मापन भरतपुरका जनताले गरेका होलान्, र त त्यति धेरै लोकप्रिय मत पाइन् ।

रेनु दाहालले कठोर घेराबन्दी सहेर पनि भरतपुरवासी जनताको मन र मत दुवै जितेकी रहेछिन् भन्ने सत्यता गालीशिरोमणि ओलीले स्वीकार्नुपर्दछ । अन्यथा अहंकारले अझै तल पुर्‍याउने निश्चित छ ।

Mega
TATA Below
NLIC
असार ११, २०७९

भर्खरै मात्र राष्ट्रिय सुरक्षा नीति २०७५ ले समेत नेपाली मूल्य–मान्यता, संस्कृति, परम्परा, धर्म, भाषा, जाति, क्षेत्र र सम्प्रदाय बीचको सद्भाव भड्काउने संकीर्ण गतिविधि तथा विभिन्न प्रकृतिका अतिक्रमण र सामाजिक सञ्जा...

असार ८, २०७९

बजेट आमनेपालीको भान्छादेखि दराजको वजनसम्ममा जोडिन्छ । बजेटले आमनागरिकमाथि खेलबाड गर्‍यो भने त्यो क्षम्य हुँदैन ।  बजेटले हामीसामु सौभाग्य ल्यायो या दुर्भाग्य, अथवा यो बजेटले कसलाई किन पिरोलिरहेको ...

असार १२, २०७९

विश्वविख्यात कूटनीतिज्ञ तथा राजनीतिज्ञ विष्णु गुप्त "चाणक्य"ले राजनीतिलाई परिभाषित गर्दै भनेका छन्- "आफ्नो टार्गेट अर्थात् निशानालाई निर्धारण गरी तदनुसार तयारी गर्नु र लक्ष्य हासिल गर्नु राजनीति हो।&q...

असार ५, २०७९

‘देशको आर्थिक अवस्था सुधारका लागि कृपया चिया कम पिउनुस्’– एहसन इकवाल, केन्द्रीय योजना एवं विकास मन्त्री पाकिस्तान, १६ जुन २०२२ । आधा कप चियाको तस्विर सहित ‘यो आधा कप चिया तपाईंका ...

असार १९, २०७९

गएको जेठ महिनायता (यो आलेख लेख्दासम्म) मैले ललितपुर महानगरपालिका वडा नम्बर २२ स्थित चुनिखेल र भैँसेपाटीको उकालोमा राज्यले थापेको धरापमा परेर लडेका चारजना स्कूटी चालक (आमा–बच्चासहित)लाई आफ्नो गाडीमा र...

असार १६, २०७९

चिनियाँ इतिहासमा हान शासनकालको पतन भएपछि ‘चिन राजवंशका’ सम्राट चिन स ह्वाङले एकीकरण गरेको एकीकृत चिनियाँ राज्य दक्षिणमा “ऊ” अधिराज्य, उत्तरमा ‘उई’ अधिराज्य र बीचमा (सिच...

संस्मरण : सडकका खाल्डा पुरिएलान् कि भनेको उल्टै मविरुद्ध उजुरी पो परेछ !

संस्मरण : सडकका खाल्डा पुरिएलान् कि भनेको उल्टै मविरुद्ध उजुरी पो परेछ !

असार १९, २०७९

गएको जेठ महिनायता (यो आलेख लेख्दासम्म) मैले ललितपुर महानगरपालिका वडा नम्बर २२ स्थित चुनिखेल र भैँसेपाटीको उकालोमा राज्यले थापेको धरापमा परेर लडेका चारजना स्कूटी चालक (आमा–बच्चासहित)लाई आफ्नो गाडीमा र...

'यसरी कम गर्न सकिन्छ मुलुकमा आर्थिक संकटको जोखिम'

'यसरी कम गर्न सकिन्छ मुलुकमा आर्थिक संकटको जोखिम'

असार १९, २०७९

विदेशी मुद्रा सञ्चिति नै अर्थतन्त्रको अवस्था देखाउने एउटा चित्र हो । सामान्यतया धनी देशहरूमा ३ महिनाका लागि विदेशी मुद्राको सञ्चिति भए पनि पुग्छ । तर, नेपालजस्तो गरीब देशका लागि भने कम्तिमा ६ महिनाका लागि मौज्दा...

आर्थिक संकटका भविष्यवेत्ता महोदयहरू– यसबाट पार पाउने भिजन पनि छ कि ?

आर्थिक संकटका भविष्यवेत्ता महोदयहरू– यसबाट पार पाउने भिजन पनि छ कि ?

असार १९, २०७९

हेलो मिस्टर रिकार्डो, तिम्रो प्रशिद्ध पुस्तक प्रिन्सिपल अफ पोलिटिकल इकोनोमी एन्ड ट्याक्सेसन सन् १८१७ मा सार्वजनिक भयो । त्यसयता पूँजीवादले आफ्ना २ सय वर्ष गुजारिसक्यो, तर सामाजिक अन्तरविरोधको समाधान दिन सकेन । मि...

ad
x