सत्तारूढ गठबन्धनको बैठकले जिल्ला समन्वय समिति (जिसस)को गठन गर्दा सहमति कायम गरेर गर्ने निर्णय गरेको छ ।

प्रधानमन्त्री निवास बालुवाटारमा सोमवार दिउँसो बैठकले चुनावी नतिजाको समीक्षा पनि गरेको थियो । 

नेकपा माओवादी केन्द्रका अध्यक्ष पुष्पकमल दाहाल प्रचण्डका स्वकीय सचिव रमेश मल्लले स्थानीय कार्यपालिकाको निर्वाचन र जिससको निर्वाचनमा गठबन्धनसम्बद्ध पार्टीहरूबीच सहमति कायम गरेर अगाडि बढ्न गठबन्धन सम्बद्ध दलका प्रदेश र जिल्लास्तरका समितिलाई निर्देशन गर्ने निर्णय भएको जानकारी दिए ।