सङ्घीय मामिला तथा सामान्य प्रशासन मन्त्री  राजेन्द्र प्रसाद श्रेष्ठको कार्यकक्षमा भएको भनिएको विवादका विषयमा सचिवालयले आफ्नो ध्यानाकर्षण भएको जनाएको छ । श्रेष्ठका उपस्वकीय सचिव सुरज महर्जनले जारी गरेको विज्ञप्तिमा सञ्चारमाध्यमा आएजस्तै कुनै चर्काचर्की नभएको र तराई मधेस समृद्धि कार्यक्रम र पालिकाहरूमा स्थानीय पूर्वाधार विकास कार्यक्रमबारे नियमित छलफल भएको उल्लेख गरिएको छ । 

‘भेटघाट कार्यक्रमका सम्बन्धमा अनलाइन समाचारमा प्रकाशित भए जस्तो कुनै चर्काचर्की नभएको जानकारी गराउनुका साथै माननीज्युहरूसँग तराई मधेस समृद्धि कार्यक्रम र पालिकाहरुमा स्थानीय पूर्वाधार विकास कार्यक्रमबारे नियमित छलफल भएको जानकारी गराउन चाहन्छु’, महर्जनले भनेका छन् ।