०३ असार २०८३, बुधबार
विवाहको खुशीयालीमा सालीको हात समातेर ‘डान्स’ गर्ने भिनाजु प्रहरी हिरासतमा पुगेका छन् ।
उत्तर प्रदेशको हमीरपुरस्थित कुरारामा विवाह समारोहमा भिनाजुले सालीलाई जबरजस्ती नचाएपछि प्रहरी बोलाइएको थियो ।
भिनाजुले रक्सी खाएर सालीमाथि जबरजस्ती गर्दै नचाएपछि प्रहरी बोलाइएको भारतीय सञ्चारमाध्यमले जनाएका छन् । प्रहरीले भिनाजु जगरूपलाई रातभर हिरासतमा राखेको छ ।
भाइ जगदिशको विवाहमा जगरूपकी सालीलाई पनि बोलाइएको थियो । विवाहको खुशीयाली समारोहमा रक्सी खाएर मात्तिएका उनले सालीमाथि जबरजस्ती गरेका थिए । सालीले आफ्ना बुवालाई गुनासो गरेपछि प्रहरीलाई खबर गरिएको थियो ।
