प्रतिनिधि सभाको अन्तर्राष्ट्रिय सम्बन्ध समितिले विवादमा परेको अमेरिकी राज्य साझेदारी कार्यक्रम (एसपीपी)बारे छलफल गर्न प्रधानमन्त्री शेरबहादुर देउवालाई बोलाउने निर्णय गरेको छ ।

आसन्न अमेरिका भ्रमण र एसपीपीलगायत विषयमा छलफलका लागि आइतवारको बैठकमा प्रधानमन्त्रीलाई आमन्त्रण गर्ने निर्णय गरेको समिति सभापति पवित्रा निरौला खरेलले जानकारी दिइन् । 

शुक्रवार बसेको बैठकमा परराष्ट्रमन्त्री नारायण खड्का, प्रधानसेनापति प्रभूराम शर्मा लगायतसँग छलफल भएको थियो । 

समितिले एसपीपीसम्बन्धी कागजात समितिमा उपलब्ध गराउन पनि सरकार र सेनालाई निर्देशन दिएको छ ।