०७ साउन २०८३, बिहीबार
बलिउड अभिनेत्री कंगना रनावतले नयाँ फिल्म इमर्जेन्सीको शूटिङ थालेको घोषणा बिहीवार गरेकी छन् ।
फिल्ममा कंगना पूर्व प्रधानमन्त्री इन्दिरा गान्धीको भूमिकामा देखिनेछिन् ।
उनले आफ्नो इन्स्टाग्राम अकाउन्टबाट फिल्मको टीजर र फर्स्ट लूक पनि सार्वजनिक गरेकी छन् ।
इमर्जेन्सीको कथा कंगनाले नै लेखेकी हुन् भने निर्देशन पनि उनी आफैं गर्दैछिन् । भारतको राजनीतिक इतिहासको महत्त्वपूर्ण घटनालाई फिल्मले दर्शाउने बताइएको छ ।
इन्दिरा गान्धीले सन् १९७५ देखि १९७७ सम्म देशमा संकटकाल घोषणा गरेकी थिइन् । त्यसबेलामा विपक्षी दल, पत्रकार तथा सामान्यजनमाथि व्यापक अत्याचार गरिएको थियो ।
यसअघि कंगनाले सन् २०२१ मा पूर्व मुख्यमन्त्री तथा कलाकार जे जयललिताको जीवनीमा आधारित थलैवीमा अभिनय गरेकी थिइन् । उनले स्वतन्त्रता सेनानी रानी लक्ष्मीबाईको भूमिका पनि निर्वाह गरेकी छन् ।
