पुस ५, २०८०
काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...
साउन २, २०७९
सरकारले पछिल्लो समय निर्माण व्यवसायीलाई फकाउनका लागि उनीहरूका माग धमाधम सम्बोधन गरिरहेको छ ।
व्यवसायीको माग पूरा गर्न २० असारमा सार्वजनिक खरिद नियमावलीमा १२ औं संशोधन गरेको सरकारले वर्षौदेखि रोकिएको भुक्तानी समेत दिएको छ ।
वर्षौंदेखि भुक्तानी नभएका ३५ सय आयोजनामध्ये ३२ सय जति आयोजनाको भुक्तानी भएको निर्माण व्यवसायी महासंघले जानकारी दिएको छ । यस्ता आयोजनाका लागि व्यवसायीले करीब २८ अर्ब रुपैयाँ पाएको महासंघको तथ्यांक छ ।
महासंघका अध्यक्ष रवि सिंहले भने, ‘गत आवमा म्याद थप गर्न नभ्याएकाबाहेक धेरैजसो आयोजनाको भुक्तानी भएको छ ।’
संख्याका हिसाबले अब ३ सय जति आयोजनाको मात्रै भुक्तानी बाँकी रहेको सिंहले बताए ।
उनका अनुसार अझै निर्माण व्यवसायीले करीब २० अर्ब रूपैयाँ पाउन बाँकी छ । भुक्तानी हुन बाँकी अधिकांश ठूला आयोजना रहेको उनको भनाइ छ ।
रकामान्तर गर्ने भनेर पनि अन्तिम समयसम्म नहुँदा करीब ५ अर्ब रुपैयाँको भुक्तानी हुन नसकेको पनि सिंहले बताए । यो रकम भने सरकारले छिट्टै भुक्तानी गर्ने उनको अपेक्षा छ ।
सिंहले भने, ‘काम सकेर बिल बनिसकेको रकमको शोधभर्ना नआएको हो ।’ सरकारले बिल बनाएर पनि भुक्तानी नदिएका यस्ता आयोजना ५०/५२ वटा रहेका छन् ।
सरकारले खरिद नियमावली संशोधन त गर्यो तर त्यो काम आर्थिक वर्ष सकिन लाग्दा मात्रै भएकाले पनि काम गर्न नभ्याइएको हुँदा यसबाट केही रकम निकासामा ढिला भएको सिंहको भनाइ छ ।
समयमा नै रकम निकासा गरेको भए अझै खर्च बढ्थ्यो भन्ने उनको दाबी छ ।
‘सरकारले विकास निर्माणको कामलाई प्राथमिकता दिएर वैशाखमै खरिद नियमावली संशोधन गरी रकम निकासा गरेको भए सरकारी लक्ष्य पनि पूरा हुन सक्यो । अधिकांश आयोजनाले गति लिन्थे,’ उनले भने ।
सरकारले गत आर्थिक वर्षमा ५७.२३ प्रतिशत पूँजीगत खर्च गरेको छ । सरकारले गत आवमा ३ खर्ब ७८ अर्ब रुपैयाँ विकास निर्माणका लागि छुट्याएको यस्तो बजेटमा २ खर्ब १६ अर्ब रुपैयाँ रुपैयाँ खर्च भएको अर्थ मन्त्रालयले जानकारी दिएको छ ।
अर्थ मन्त्रालयका प्रवक्ता ढुण्डीप्रसाद निरौला पनि सरकारले क्रोनिक आयोजनालाई प्रदेशमा लगेका कारण धेरैजसो काम नभएको टिप्पणी गरेका छन् । वर्षौंदेखि काम रोकिएका, खर्च हुन नसकेका, बजेट कम भएका, अर्ब बजेट निकासा गरेर करोडमा खर्च हुने प्रकृतिका आयोजनाका कारण भौतिक प्रगति कम देखिने गरेको बुझाइ पनि निरौलाको छ ।
उनले भने, ‘संघीयता कार्यान्वयनसँगै संघबाट प्रदेशमा गएका आयोजनामा समस्या धेरै थिए । तिनै आयोजना अझै पूरा नभएका हुन् । त्यस्ता आयोजनाले बजेट कम पाउने र खर्च पनि नहुने गरेको छ ।’
महालेखा परीक्षकको ५९ औं प्रतिवेदनले पनि प्रदेशमा पठाएका केही आयोजना निर्माण पूरा हुने समय निर्धारण भएका तर बजेट विनियोजन नभएको पाइएको उल्लेख गरेको छ ।
४/५ वर्षभित्र निर्माण सक्ने आयोजनालाई यो दुई वर्ष काम गरेपछि तेस्रो वर्ष बजेट नै नराखिएको प्रतिवेदनमा उल्लेख छ, जसका कारण आयोजना पूरा गर्न समस्या भएको महालेखाले औंल्याएको छ ।
सरकारले खरिद नियमावली संशोधन गरेर व्यवसायी मैत्री बनाइदिएको भनिए पनि अझै मूल्यवृद्धिलाई सम्बोधन नगरेको गुनासो निर्माण व्यवसायीले गरेका छन ।
रसिया युक्रेन युद्धसहितका कारण अप्रत्यासित मूल्यबृद्धि भएको र सरकारले दिने बजेट निकासा रोकिँदा समग्र निर्माण व्यवसायीकै काम प्रभावित भएको बुझाइ पनि व्यवसायीको छ ।
सरकारले फागुनमा पेश गरेको बिलको भुक्तानीसमेत असारको अन्तिम साता दिने प्रचलन नै भयो । यस्तो रकम छिटो निकासा गर्ने हो भने सरकारको लक्ष्य पूरा हुने र काम गर्न पनि सहज हुने बुझाइ सिंहको छ ।
निर्माण व्यवसायीले पछिल्लो समय आयोजनाको बीमाको शुल्क बढेका कारण खर्च बढेको गुनासोसमेत गर्न भ्याए । निर्माण व्यावसायी महासंघका अध्यक्ष सिंहले भने, ‘बीमाको शुल्क पछिल्लो समय ५ सय प्रतिशतसम्म बढेको छ । बीमा कम्पनीले नै गरेको कार्टेलिङका कारण बीमा समितिलाई प्रभावित पारेर विकास निर्माणका आयोजनाको लागत बढाइएको हो ।’
निर्जीवन बीमा कम्पनीले एकआपसमा मिलेर चलखेल गरेको र न्युनतम मूल्य निर्धारण गर्नुका कारण नै आयोजनाको लागत बढेको तर्क निर्माण व्यवसायीको छ । यसले गर्दा न्युनतम मूल्य तोकिनुभन्दा अगाडिको तुलनामा अहिले बीमा रकम अचाक्ली बढेको उनीहरूको तर्क छ । सरकारले १० लाख रुपैयाँभन्दा माथिका आयोजना सबैमा बीमा अनिवार्य गरेको छ ।
काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...
अर्थमन्त्री वर्षमान पुन 'अनन्त' समेत मुछिएको १३८ किलो सुन तस्करीको फाइल पर्याप्त अनुसन्धानविनै सरकारी वकिलको कार्यालयमा पुगेको छ । अर्थमन्त्रीका रूपमा पुन आएलगत्तै भन्सार विभागले पर्याप्त अनुसन्धानविनै फा...
विज्ञ समूहले दिएको सुझावसहितको प्रतिवेदन सम्बन्धमा मन्त्रिपरिषद्ले निर्णय गर्न ढिला गर्दा निजगढ विमानस्थल निर्माणको काम प्रभावित भएको छ । निजगढमा विमानस्थल बनाउन उपयुक्त रहेको भनेर विज्ञ समूहले प्रतिवेदन दिएको ए...
नेपाल राष्ट्र बैंकले मंगलबारका लागि तोकेको विदेशी मुद्राको विनिमयदर अनुसार अमेरिकी डलर एकको खरिददर १३३ रुपैयाँ ०४ पैसा र बिक्रीदर १३३ रुपैयाँ ६४ पैसा रहेको छ । यसैगरी युरो एकको खरिददर १४२ रुपैयाँ १६ पै...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...