०२ साउन २०८३, शनिबार
श्रीलंकाको संसदमा बुधवार भएको राष्ट्रपति निर्वाचनमा रनिल विक्रमसिंघे विजयी भएका छन् ।
द डेली मिरर पत्रिकाले दिएको खबरअनुसार, विक्रमसिंघेले १३४ भोट पाएर विजय हासिल गरेका हुन् । संसद्का सभामुख महिन्दा अभयवर्दनेले यसको घोषणा गरेका छन् ।
विक्रमसिंघेका प्रतिस्पर्धी दुल्लास अल्लाहपेरुमेले ८२ भोट ल्याए भने अर्का उम्मेदवार अनुरा कुमारा दिस्सानायकेले ३ भोट मात्र पाए ।
पूर्व राष्ट्रपति गोटाबाया राजपक्षको दल एसएलपीपीका सांसदहरूले विक्रमसिंघेलाई मत दिएकाले उनी विजयी भएका हुन् । विक्रमसिंघे राजपक्ष परिवारका निकट मानिन्छन् ।
यसअघि उनले प्रधानमन्त्री तथा कार्यवाहक राष्ट्रपतिको भूमिका निर्वाह गरिसकेका छन् ।
