२९ जेठ २०८३, शुक्रबार
भारतको केरलकी दृष्टिविहीन छात्रा हाना एलिस सिमोन कक्षामा प्रथम भएकी छन् । अपाङ्गताले सफलतामा अवरोध गर्दैन भन्ने उदाहरण दिएकी छन् उनले ।
उनले ५०० पूर्णांकको परीक्षामा ४९६ अंक ल्याएकी छन् । उनी पढाइ सँगसँगै गायन, उत्प्रेरक भाषण र यूट्यूब भिडियो बनाउनमा समेत दक्ष छिन्, उनी बहुमुखी प्रतिभाकी धनी छिन् । हाना राजागिरी क्रिस्टू जयन्ती पब्लिक स्कूलकी छात्रा हुन् ।
हालै उनले ‘वेलकम होम’ पुस्तक समेत प्रकाशित गरेकी छन्, जसमा ६ छात्राको छोटो कथा समेटिएको छ ।
दृष्टिविहीनका लागि छुट्टै विद्यालय हुने भए पनि उनका अभिभावकले उनलाई साधारण स्कूलमै भर्ना गरेका थिए । अभिभावकको त्यो फैसलाका लागि हानाले धन्यवाद समेत दिएकी छन् । साधारण स्कूलमा पढ्दा उनले कैयौं कठिनाइ भने सामना गर्नुपरेको थियो ।
