०९ साउन २०८३, शनिबार
संवैधानिक निकायका ५२ जना पदाधिकारीहरूको नियुक्ति खारेजीको मागसहित परेका रिटहरू संवैधानिक इजलासमा पेशी चढेका छन् ।
कायम मुकायम प्रधानन्यायाधीश दीपककुमार कार्कीको नेतृत्वमा न्यायाधीशहरू हरिकृष्ण कार्की, विश्वम्भरप्रसाद श्रेष्ठ, ईश्वरप्रसाद खतिवडा र आनन्दमोहन भट्टराई रहेको संवैधानिक इजलास ती रिटहरूको पेशी तोकिएको हो।
संवैधानिक नियुक्तिविरुद्ध वरिष्ठ अधिवक्ता दिनेश त्रिपाठी, अधिवक्ता ओमप्रकाश अर्याल, कृतिनाथ शर्मा पौडेल, समृत खरेलसहितले रिट दायर गरेका छन् ।
तत्कालीन प्रधानमन्त्री केपी शर्मा ओलीले अध्यादेश ल्याएर संवैधानिक निकायमा ५२ जना पदाधिकारी नियुक्त गरेका थिए ।
अध्यादेश बदर गरी नियुक्त गरिएका सबै पदाधिकारीहरूको नियुक्ति खारेज हुनुपर्ने माग गर्दै दर्ता भएको रिट सर्वोच्च अदालतमा विचाराधीन छ ।
