रुसको सुरक्षा निकाय फेडरल सिक्योरिटी सर्भिसलाई रुसी विमान अपहरण गर्ने युक्रेनको षड्यन्त्र पत्ता लगाएर रोकेको भन्दै रुस सरकारले प्रशंसा गरेको छ । 

प्रतिगुप्तचरी कारवाही सोमवार गरिएको घोषणा एफएसबीले गरेको थियो ।

युक्रेनको उक्त षड्यन्त्रमा बेलायती सरकारको लगानी रहेको अनुसन्धान संस्था बेलिङक्याटका अधिकारी क्रिस्टो ग्रोजेभ समेत संलग्न थिए । 

रुसका कैयौं पाइलटहरूलाई २० लाख डलरको घूस, ईयू पासपोर्ट र पश्चिममा जीवन बिताउने अवसरको प्रस्ताव राखिएको थियो । उनीहरूलाई आफ्नो विमान युक्रेन पुर्‍याउन भनिएको थियो । 

तर रुसी चालकहरू प्रलोभनमा फसेनन् र रुसी गुप्तचरहरूलाई सूचना दिए ।