संस्कृति, पर्यटन तथा नागरिक उड्डयन मन्त्रालयका उपसचिव प्रमोद नेपाल ६ लाख रुपैयाँ घुससहित रङ्गेहात पक्राउ परेका छन् ।

अख्तियार दुरुपयोग अनुसन्धान आयोगको टोलीले उपसचिव नेपाललाई घुससहित पक्राउ गरेको हो ।

अख्तियारका प्रवक्ता श्यामप्रसाद भण्डारीका अनुसार पर्यटन व्यवसाय दर्ता गर्ने सम्बन्धमा सेवाग्राहीबाट घुस लिँदालिँदै उनलाई पक्राउ गरिएको हो ।

उनको गाडीमा थप खानतलासी गर्दा १६ लाख ५० हजार रुपैयाँ समेत बरामद गरिएको छ । 

घटनाको थप विवरण आउन बाँकी छ ।