३० जेठ २०८३, शनिबार
साफ यू–२० च्याम्पियनसिप फुटबल प्रतियोगितामा बङ्गलादेशसँग बराबरी खेलेपछि पनि नेपालको फाइनलमा पुग्ने सम्भावना जिवितै रहेको छ । मंगलबार भएको खेलमा १–१ को बराबरी खेल्दै नेपालले ४ खेलमा ७ अङ्क जोड्दै दोस्रो स्थान बनाएको छ । बङ्गलादेशले भने फाइनलमा स्थान पक्का गरेको छ । अपराजित रहेको बङ्गलादेशले ४ खेलमा १० अङ्क जोडेको छ ।
अब नेपालले फाइनल पुग्न भारत र माल्दिभ्सबीचको खेलको नतिजा कुर्नुपर्नेछ । यदि भारतले माल्दिभ्ससँग हार ब्यहोरेमा नेपाल फाइनल पुग्नेछ । भारतले जित वा बराबरी गरेको खण्डमा नेपाल प्रतियोगिताबाट बाहिरिने छ ।
