०२ असार २०८३, मंगलबार
अमेरिकाका राष्ट्रपति जो बाइडन शनिवार कोभिड नेगेटिभ भए पनि अझै आइसोलेसनमा बसिरहेको ह्वाइट हाउसका चिकित्सक डा केभिन ओ कोन्नोरले बताएका छन् ।
बाइडनलाई सानो समयको अन्तरमा दोस्रोपटक कोभिड लागेको हो । दोहोरिएर लागेको कोभिडको नेगेटिभ रिजल्ट दोस्रोपटक आएपछि मात्र आइसोलेसनबाट राष्ट्रपतिलाई झिकिने चिकित्सकले बताए । त्यो अवधिभर उनलाई निगरानीमा राखिनेछ ।
‘राष्ट्रपतिले राम्रो अनुभव गरिरहनुभएको छ,’ ओ कोन्नोरले बताए ।
बाइडन पहिलोपटक जुलाई २१ मा कोभिड पोजिटिभ भएका थिए । उनले सबै चरणको खोप लिइसकेका छन् र बूस्टर डोज पनि दुईपटक लिएका छन् ।
आइसोलेसनमै बसेर उनले पाँच दिन काम गरेका थिए । उनलाई हलुका खोकी र जिउ दुखेको अनुभव भइरहेको छ ।
