०७ साउन २०८३, बिहीबार
दोलखाको सिंगटी बजारमा पहिरोले ५ घरमा क्षति पुर्याएको छ ।
बिगु गाउँपालिका–४ लादुकस्थित संगटी बजारमा बुधवार राति गएको पहिरोले ५ घर भत्काएको र केही घरमा लेदो पसेको दोलखाका प्रमुख जिल्ला अधिकारी भोजराज खतिवडाले जानकारी दिए ।
उनका अनुसार, बुधवार राति पहिरो गएको हो । पहिरोले घरहरू जोखिममा रहेपछि १२ घरपरिवारलाई भने अहिले घरमा नबस्न भनिएको उनले बताए ।
‘घरहरू नभत्किएपछि पहिरोको जोखिम हुन सक्ने भएकाले अहिले नबस्न भनेका छौँ,’ प्रमुख जिल्ला अधिकारी खतिवडाले लोकान्तरसँग भने ।
उनका अनुसार अहिले प्रहरी तथा स्थानीयको सहयोगमा भत्किएका घरहरूबाट पहिरो पन्छाउने कार्य भइरहेको छ ।
