डा.चन्द्रप्रकाश (सिके) राउत नेतृत्वको जनमत पार्टीले नागरिकता विधेयक फिर्ता भएको विरोधमा प्रदर्शन गरेको छ । 

आइतवार राष्ट्रपति विद्यादेवी भण्डारीले नागरिकता विधेयक प्रतिनिधिसभामा फिर्ता पठाएको विरोधमा जनमत पार्टीका कार्यकर्ताले सोमवार सिराहाको गोलबजारमा प्रदर्शन गरेका हुन् । उनीहरूले पूर्वपश्चिम राजमार्गमा चक्काजाम गरेको जनमत पार्टीका अध्यक्ष सिके राउतले जानकारी दिए । 

सभामुख अग्निप्रसाद सापकोटाले प्रमाणीकरणका लागि पठाएको विधेयक राष्ट्रपतिले १५ बुँदे सन्देशसहित प्रतिनिधि सभामा फिर्ता पठाएकी हुन् ।