२८ जेठ २०८३, बिहीबार
राष्ट्रपति विद्यादेवी भण्डारीले फिर्ता पठाएको नागरिकता विधेयक अगाडि बढाउने विषयमा छलफल गर्न प्रतिनिधि सभा कार्यव्यवस्था परामर्श समितिको बैठक बसिरहेको छ ।
बिहीवार बस्ने प्रतिनिधि सभा बैठकको सम्भावित कार्यसूचीमा राष्ट्रपतिबाट सन्देशसहित फिर्ता पठाइएको नागरिकता विधेयक पारित गर्ने कार्यसूची छ । सोही विषयमा सहमति खोज्न सभामुख अग्नि सापकोटाले कार्यव्यवस्था परामर्श समितिको बैठक डाकेका हुन् ।
प्रतिनिधि सभाको बैठक बिहीवार बिहान ११ बजेका लागि बोलाइएको छ । सहमति जुट्न नसक्दा साढे ११ बजेसम्म बैठक शुरू हुन सकेको छैन ।
