ताइवानले नयाँ लडाकू विमानहरू किन्नका लागि कीर्तिमान १९ अर्ब डलर खर्च गर्ने भएको छ । 

चीनले ताइवानमाथि आक्रमण गर्न लागेको विश्वास लिई ताइपेइले प्रतिरक्षा क्षमता बढाउनका लागि खर्चमा वृद्धि गरेको हो । 

‘हामी सुरक्षा र राष्ट्रिय रक्षालाई उच्च प्राथमिकतामा राख्छौं,’ तथ्यांक मन्त्री चु चर्मिङले बताए । 

यस वर्षको बजेटमा ताइवानले रक्षा खर्च अघिल्लो सालभन्दा १३.९ प्रतिशत बढाएको छ । 

उता चीनले अत्याधुनिक स्टेल्थ लडाकू विमान तथा विमानवाहक युद्धपोतमा खर्च गरिरहेको छ । त्यसलाई लामो दूरीको क्षेप्यास्त्रका साथ प्रतिकार गर्ने आशा ताइवानले लिएको छ ।