२० असार २०८३, शनिबार
यसवर्ष सार्वजनिक तीज गीतमध्ये सबैलाई उछिन्यो, ‘झमझम झम्काना’ले । टिकटकमा छाउँदै युट्युबमा राम्रो भ्युज पाएको गीतको चर्चा अहिले पनि उत्तिकै छ । युट्युबमा यस गीतको भ्युज १ करोड ५० लाख माथि पुगिसकेको छ ।
गीत हिट भएसँगै यतिबेला यसका संगीतकार, गायक एवं मोडलसमेत रहेका भागिरथ चलाउने तीज विशेष कार्यक्रममा व्यस्त छन् । उनी हरेक दिनजसो विभिन्न जिल्लामा पुगेर तीज विशेष कार्यक्रममा प्रस्तुति दिइरहेका छन् ।
आइतवार बुटवलमा आयोजक तीज विशेष कार्यक्रममा सांगीतिक प्रस्तुति दिएका भागिरथ सोमवार सुर्खेत पुगेर दर्शक नचाउनेछन् । मंगलवार तीजको दिन भने उनले पोखरामा प्रस्तुति दिनेछन् । गीतकी गायिका सुनिता बुढा क्षेत्री भने यतिबेला कतारमा छिन् । तीज विशेष कार्यक्रममा लागि उनी कतार पुगेकी हुन् ।
सांगीतिक बजारमा जसको गीत चल्छ, सोही कलाकारहरूको डिमाण्ड मेला महोत्सवमा बढी देखिने गरेको छ । विशेष गरी गायक–गायिकाहरूको खोजी हुने गर्छ । यसवर्ष ‘झमझम झम्काना’ गीत चल्दा भागिरथ र सुनिता तीज विशेष कार्यक्रममा ब्यस्त भएका हुन् । तीज गीतमा चलेका अधिकांश गायक–गायिकाहरू देश–विदेशका कार्यक्रमहरूमा व्यस्त देखिएका छन् ।
