२७ असार २०८३, शनिबार
नेपालमा पहिलो पटक उच्च स्तरीय ब्राण्ड दा मिलानो इटालियाले आफ्नो बिग्रेको सामानहरू पूर्ण रूपमा नष्ट गरेको छ ।
विश्वमा चर्चित ब्राण्डहरूमध्ये एक द मिलानोले नेपालमा पहिलो पटक आफ्नो स्टोरमा रहेको बिग्रिएको सामान नष्ट गरेको हो ।
करीब ४८ लाख ५४ हजार रुपैयाँ लागतको जुत्ताहरू कम्पनीले नष्ट गरेको हो ।
कम्पनीका अनुसार, केही दिनअघि भारतबाट ब्राण्डका शीर्ष तहका कर्मचारीहरू नेपाल आएर द मिलानोको स्टोर भिजिट गरेका थिए ।
कम्पनीका अनुसार, उनीहरूले मासिक रुपमा, ६ महिना तथा एक वर्षमा अलग अलग टिमले स्टोर रूम भिजिट गर्ने गरेका छन् ।
सोही क्रममा टिमले कोरिएको, बिग्रिएको तथा समग्रमा ड्यामेज भएको जुत्ताहरू नष्ट गरेका हुन् ।
कतिपय जुत्ताहरूमा उनीहरूले पुनः प्रयोग गर्न नमिल्ने गरी च्यातिदिएका छन् ।
द मिलानो इटालियन ब्राण्ड हो । ब्राण्डेड जुत्ताहरूका लागि सुप्रसिद्ध रहेको यो ब्राण्डलाई नेपालमा व्यवसायी रुपेश पाण्डेय नेतृत्वको आर.पी. ग्रुपले भित्र्याएको हो ।
नेपाली बजारमा सन् २०१५ मा ब्राण्ड भित्रिएको थियो ।
कम्पनीले नष्ट गरेका सामानहरूमा अधिकतम ५ वर्ष पूरानोदेखि न्यूनतम एक वर्ष पूरानोसम्म रहेको जनाएको छ ।
कम्पनीले पहिलो चरणमा १ सय ४ पीस जुत्तालाई पुनः प्रयोग गर्न नमिल्ने गरी नष्ट गरेको छ ।
कम्पनीले आफ्नो उच्च स्तरीय ब्राण्डलाई ग्राहकमाझ थप लोकप्रिय बनाउन पूराना तथा बिग्रिएका सामान नष्ट गर्ने गरेको छ ।
निश्चित समयमा सामानहरूको निरीक्षण गर्ने र बिग्रिएको पाइएमा त्यसलाई नष्ट गर्ने काम गरिएको द मिलानोले जनाएको छ ।
सामान स्क्र्याच हुने कारण
सामाान्य बजारमा केही बिग्रिएको सामान भए कम मूल्य वा सस्तोमा बेच्ने, मेलामा राख्ने गरिएको हुन्छ । यसो गर्दा उपभोक्ताले पनि कतिपय अवस्थामा त्यस्ता सामान प्रयोग गर्नुहुन्छ सस्तोमा पाएँ भनेर ।
तर दा मिलानो चर्चित एवम् महँगो ब्राण्ड हो ।
एउटै जुत्तालाई महँगो मूल्य तिर्नुपर्ने भएपछि कम्पनीले ड्यामेज भएको जुत्ता बिक्री गर्ने गरेको छैन ।
बिक्रीका लागि लायक भएको अवस्थामा मात्रै जुत्ता बिक्री हुन्छ ।अन्यथा कतै सामान्य स्क्र्याच भएमा पनि जुत्तालाई पुनः प्रयोग गर्न नमिल्ने गरी काट्ने, जलाइदिने जस्ता काम गरिन्छ ।
ग्राहकले कसरी चिन्ने ड्यामेज सामान ?
काठमाडौंको दरबारमार्गमा द मिलानो इटालियनको शोरुम छ । ग्राहकले त्यो शोरूमबाट सहजै आफूलाई मनपर्ने जुत्ता लिन सक्छन् ।
शोरुमले आफ्ना कर्मचारीहरूमार्फत दैनिकजसो जुत्ताहरूको निरीक्षण गर्ने गर्दछ । केही गरी ड्यामेज सामान त्यहाँ पुगेको छ भने तत्कालै त्यसलाई कुलेश्वरमा रहेको स्टोर रुममा लगिन्छ ।
जसकारण ग्राहकले झुक्किएर पनि ड्यामेज भएको सामान किन्ने अवस्था नरहने ब्राण्डको दावी छ ।
ग्राहकले जुत्ता ड्यामेज भए/नभएको पनि सहजै हेर्न सक्छन् ।
जुत्ताको भित्र, बाहिर चर्किएको, च्यातिएको, फुटेको, कतै कतै रङ उँडेको जस्तो देखिएमा त्यो ड्यामेज भएको हुन्छ । ग्राहकले त्यस्ता जुत्ता किन्नु हुँदैन । तर यदी किनिसकेको जुत्ता पनि केही दिनभित्र मै ड्यामेज भएको पाइए त्यो जुत्ता फिर्ता पनि हुन्छ ।
कम्पनीका अनुसार, जुत्ताको ड्यामेजको अवस्था हेरेर बनाउन मिल्ने भए इण्डिया नै पनि पठाइने गरिएको छ ।
