रुसको अधीनमा रहेको युक्रेनको जापोरिझझिया आणविक भट्टी वरपर सुरक्षा क्षेत्र स्थापना गर्न संयुक्त राष्ट्रसंघीय निकाय आईएईएले आह्वान गरेको छ । 

इन्टरनेसनल एटमिक इनर्जी एजेन्सीका अधिकारीहरूले उक्त आणविक भट्टीको निरीक्षणपछि तयार पारेको प्रतिवेदनमा यसको उल्लेख छ । 

आईएईएले आणविक भट्टीमा गोली बर्साउन पनि रोक्न भनेको छ । भट्टीमा क्षति पुग्न तथा अन्तर्राष्ट्रिय आणविक विपत आउनबाट रोक्नका लागि गोलीबारी बन्द गर्नुपर्ने संस्थाको आग्रह छ । 

आईएईएको प्रतिवेदनलाई रुसका राष्ट्रपति भ्लादिमिर पुटिनले स्वागत गरेका छन् । 

युक्रेनी सेनाले आणविक भट्टीमा निरन्तर आक्रमण गरेपछि आईएईएको प्रतिवेदन सार्वजनिक भएको हो । मंगलवार मात्र युक्रेनले गरेको आक्रमणका कारण भट्टीको बिजुलीको लाइनमा क्षति पुगेको थियो ।