२३ जेठ २०८३, शनिबार
बुटवलका दुई स्कूलमा पढ्ने तीन जना बालक अपहरणको शैलीमा भारतको पुने पुर्याइएका छन् ।
शुक्रवार बिहान स्कूल हिडेका विद्यार्थी कसरी त्यहाँ पुगे भन्ने खुल्न बाँकी छ ।
इलाका प्रहरी कार्यालय बुटवलका डिएसपी ठगबहादुर केसीले भारत पुर्याइएको सूचना आएकोले उनीहरुलाई नेपाल झिकाउन त्यहाँमा आफ्नसँग समन्वय भइरहेको बताए ।
उनीहरू बुटवल उपमहानगर ११ दुर्गानगरका १५ वर्षीय सागर पौडेल, समीर लम्साल र १४ वर्षका प्रदीप पन्थी हुन् ।
सागर र समीरले नवीन औद्योगिक मावि कक्षा ९ मा र प्रदीपले नहरपुर माविक कक्षा ८ मा पढने विद्यार्थी हुन् ।
साँझ घर नफर्किएपछि परिवारले इलाका प्रहरी, कार्यालय बुटवलमा खोजीको लागि आग्रह गरेका थिए ।
उनीहरू विद्यालय जान भनेर घरबाट हिँडे पनि विद्यालयमा हाजिर भएका थिएनन । सागरबा बाबा कृष्ण पौडेलले भारत पुगेको सूचना आएकाले आफूहरु त्यसतर्फ खोजीका लागि हिडेको बताए ।
‘सागरले हिजो राति आफूहरु अफ्टयारोमा छौ, भारतमा छौं भन्ने सन्देश पठाएपछि त्यहाँ पुगेको थाहा हुन आएको छ । हामी त्यसतर्फ जाँदै छौं,’ कृष्णले लोकान्तरसँग भने ।
