१४ असार २०८३, आइतबार
काठमाडौं, १८ साउन — डोक्लाम विवादका कारण भारत र चीनबीच तनाव कायम छ । यही विवादका बीच चीनले बुधवार १५ पन्नाको एक बयान जारी गरेको छ ।
चीनले बयानमा भारतलाई निःशर्त सेना हटाउन भनेको छ । भारतले भुटानको बहाना बनाएको र चीन तथा भुटानबीच कुनै विवाद नरहेको पनि बयानमा लेखिएको छ ।
चीन र भुटानबीचको कुरामा भारतको कुनै भूमिका नभएको समेत बयानमा उल्लेख छ ।
चीन आफ्नो भूमि रक्षाका लागि सक्षम रहेको र आफ्नो सम्प्रभुतालाई कसैले चुनौती दिन नसक्ने पनि लेखिएको छ ।
बयानमा १८ जुनमा भारतका करीब ४०० जवानहरू चिनियाँ इलाकामा १८० मिटरसम्म भित्र घुसेको लेखिएको छ ।
यसअघि मंगलवार चिनियाँ राष्ट्रपति सी चिनफिङले पनि चीन सम्प्रभुतासँग कहिल्यै सम्झौता नगर्ने र उसको सेनाले हरेक आक्रमणलाई विफल गर्न सक्ने बयान दिएका थिए ।
एजेन्सी
