२२ जेठ २०८३, शुक्रबार
बहुप्रतीक्षित नेपाली चलचित्र ‘प्रेम गीत ३’ आजदेखि नेपाल–भारतसहित विभिन्न देशमा एकसाथ प्रदर्शनमा आएको छ । चलचित्रको हिन्दी संस्करण विश्वभरका १ हजार बढी पर्दामा प्रदर्शनमा आएको छ ।
नेपालमा भने आजदेखि नेपाली संस्करण मात्रै प्रदर्शनमा आएको हो ।
हिन्दी संस्करण घटस्थापना अर्थात आगामी सोमवारदेखि प्रदर्शन गर्ने तयारी छ ।
‘प्रेम गीत ३’ ले नेपालमा मल्टिप्लेक्स् हलहरूमा उच्च शो पाएको छ ।
मल्टिप्लेक्स् अन्तर्गतको सबैभन्दा ठूलो चेन क्यूएफएक्सले मात्रै चलचित्रलाई प्रदर्शनको पहिलो दिन ७७ शोज् दिएको छ ।
चलचित्र हेर्न दर्शकहरूको उपस्थिति बिहानैदेखि उत्साहजनक रहेको हल संचालकहरुले बताएका छन् ।
स्वर्गीय छेतेन गुरुङ र सन्तोष सेनको निर्देशन रहेको चलचित्रमा प्रदीप खड्का, क्रिष्टिना गुरुङको शीर्ष भूमिका छ ।
साथमा शिव श्रेष्ठ, सुनिल थापा, मनिष राउत, पुश्कर कार्की, प्रेम पुरी, माओत्से गुरुङ, अनुभव रेग्मी, योगिशा खत्री, सन्तोष सेन लगायतको अभिनय छ ।
चलचित्रले व्यापारमा नयाँ रेकर्ड कायम गर्ने अनुमान गरिएको छ ।
चलचित्र कोरोना महामारी अघि निर्माण भएको हो ।
