×

X
Nic Asia
Khukuri
Daraz

बलिउड बजारसम्मको यात्रा

प्रेमगीत– ३ को बलिउड यात्रा : मुम्बईका गल्ली चहारेको क्षणदेखि टिजरमा बाहुबली फ्लेबरसम्म

काठमाडाैं | साउन ३०, २०७९

NTC
Argakhanchi Cement
Premier Steels
TVS INSIDE

नेपाली चलचित्र ‘प्रेम गीत ३’ नेपालसँगै भारतमा एकसाथ प्रदर्शनमा आउँदैछ, आगामी असोजमा । त्यसो त निर्माण घोषणाताकाबाटै नेपाली चलचित्रकर्मी एवं दर्शकमाझ प्रेम गीत ३ लाई प्रतिक्षित फिल्मका रूपमा हेरिएको थियो ।

LAxmi BAnk
nabil BANK inside

यो चलचित्रको चर्चा तब थप चुलियो, जब बलिउड बजारमा समेत प्रदर्शनमा आउने खबर सार्वजनिक भयो । केही साताअघि चलचित्रको हिन्दी संस्करणको पोस्टर सार्वजनिक गरियो । तरन आदर्शजस्ता समीक्षकहरूले सोसल मिडियामा ‘प्रेम गीत ३’बारे चर्चा गरे । 


Advertisment
RMC TANSEN
cg elex island
NIC ISLAND BOX

मुम्बईका शहरमा ठूला–ठूला होर्डिङबोर्डहरूमा ‘प्रेम गीत ३’को पोस्टर टाँसियो । बलिउड र हलिउड चलचित्रका पोस्टर टाँसिने ठाउँमा नेपाली चलचित्रको पोस्टर देख्दा चलचित्र क्षेत्र मात्र नभई दर्शकहरूले समेत गौरव महशुस गरे । 

शनिवार चलचित्रको हिन्दी र नेपाली दुवै संस्करणको टिजर सार्वजनिक गरिएको छ । त्यससँगै यतिबेला ‘प्रेम गीत ३’ ले ‘अलग्गै’ र एउटा विशेष माहोल ‘क्रिएट’ गरेको छ । भारतीय मिडियाहरूले समेत चलचित्रबारे समाचार सम्प्रेषण गरेका छन् । 


Advertisment
Saurya island

सार्वजनिक टिजरले भ्युज निकै राम्रो पाएका छन्, प्रतिक्रियाहरू समेत उत्तिकै सकारात्मक छन् । हिन्दी भाषामा डब भएर भारतमा ठूलो स्केलमा थिएटरमा लाग्न लागेको यो नै पहिलो नेपाली चलचित्र हो ।

चलचित्र भारतका झण्डै एक हजार थिएटरमा प्रदर्शन हुने निर्माण टीमको भनाइ छ । चलचित्रले त्यहाँ कस्तो प्रतिक्रिया पाउने हो ? कस्तो व्यापार गर्ने हो ? त्यो भने प्रदर्शनपछि थाहा हुने कुरा भयो । तर, नेपाली चलचित्र यसरी भारतीय बजारमा पुग्नुलाई गौरवका रूपमा लिन सकिने चलचित्रकर्मीहरूको भनाइ छ ।

Vianet communication
IME BANK INNEWS

००० 

फ्लोरमा निस्किँदै गर्दा निर्माता एवं निर्देशक सन्तोष सेनले ‘प्रेम गीत ३’लाई लिएर मुम्बईसम्म पुग्छु भन्ने सोचेकै थिएनन् । 

नेपालमै ठूलो क्यानभासको चलचित्र निर्माण गर्नुपर्छ भन्ने सोच उनमा थियो । त्यसका लागि सक्दो मेहनत गरेका थिए । लाखौं खर्चेर भव्य सेट निर्माणदेखि माइनस २० डिग्रीसम्मको चिसोमा काम गरिएको थियो । तर, चलचित्र एकाएक मुम्बई नगरीसम्म पुग्यो ? त्यसको कारण जान्न भने ढाइवर्ष अगाडि फर्किनुपर्छ । २०७६ चैत २८ गते, चलचित्रले आफ्नो प्रदर्शनको मिति तोकेको थियो ।

अवस्था सामान्य भइदिएको भए सोही मितिमा नेपाली दर्शकमाझ आइसकेको हुन्थ्यो, प्रेम गीत– ३ ।  

तर, चलचित्र प्रदर्शनमा आउनुअघि कोरोना महामारीले विश्वलाई नै आतंकित बनाउँदै लग्यो । विभिन्न क्षेत्र ठप्प हुँदै गए । नेपाली चलचित्र क्षेत्र अझ बढी प्रभावित बन्यो । प्रदर्शनका लागि तम्तयार चलचित्र रोकियो । मानिसहरू घरभित्रै थुनिन बाध्य भए । सोही क्षण सन्तोषको दिमागमा फुरेको सोच थियो, भारतमा पुगेर चलचित्रको स्याटेलाइट रिलिजको प्रयास गर्ने । 

एक दिन सन्तोषले भारतीय टिभी च्यानल हेरिरहेका थिए । त्यस बखत टिभीमा प्रशारण भइरहेको पुरानो साउथ चलचित्रले उनलाई सोच्न बाध्य बनाएको थियो । 

‘साउथका पुराना झुर चलचित्रहरू समेत टेलिभिजनमा देखेपछि सोच्न बाध्य भएँ,’ सन्तोषले आफैंमाथि प्रश्न तेर्स्याए, ‘साउथका २० वर्षअघिका चलचित्रहरू समेत स्याटेलाइट रिलिज हुने ? त्यसमाथि भारत र नेपालको संस्कार पनि धेरथोर मिल्छ । भाषा, संस्कृति पनि मिल्छ । तर पनि हाम्रो भाषाको चलचित्र भारतीय टिभीमा किन आउँदैन ?’ उनले सोच बनाए, ‘भारतीय टिभीमा प्रसारण गर्न यसलाई किन ‘ट्राइ’ नगर्ने ?’ 

निर्माता/निर्देशक सन्तोष सेन

त्यतिबेलासम्म चलचित्रका अर्का निर्देशक छेतन गुरुङको निधन भइसकेको थियो । सन्तोषले चलचित्रको ‘शो रिल’ बनाएर अंग्रेजीमा न्यारेसन गरे । र, अभिनेता प्रदीप खड्कालाई लिएर मुम्बईतर्फ लागे । तर, त्यहाँ उनीहरूका लागि सहज थिएन । कहाँ जाने, कसलाई भेट्ने केही अत्तो–पत्तो थिएन । उनीहरूले मुम्बईका गल्ली–गल्ली चहार्दै थुप्रै वितरकहरूलाई ‘शो रिल’ देखाउन थाले । त्यो क्षण सम्झिँदै सन्तोष भन्छन्, ‘धेरै ठाउँमा जाँदा सबैले राम्रो लागेको त बताए, तर लगानी गर्न कुनै पनि वितरक तयार देखिएनन् ।’

त्यत्तिकैमा साउथ इण्डियन फिल्मस्हरू किन्ने ‘इम्पोसिबल फिल्मस्’का प्रबन्ध निर्देशकसँग सन्तोषको भेट भयो । सन्तोषले चलचित्रको शो रिल ती व्यक्तिलाई देखाए । शो रिल हेरेपछि ती व्यक्तिले भने, ‘यसको हिन्दी मात्र नभई, नेपालीबाहेक सबै राइटस् म लिन्छु ।’ 

‘त्यसपछि चलचित्र कतिमा बनेको हो भनेर सोधियो । हामी त त्यहाँ अकमक्क परियो’, सन्तोष भन्छन्, ‘धेरै भन्यो भने बिच्किएला भन्ने डर, थोरै भन्यो भने त्यति पैसामा कस्तो चलचित्र बनायो भन्ने सोच्ला भन्ने डर, अनि हामीले ४ करोड भारु भन्यौं ।’ 

थिएटरमा चलचित्र रिलिज गर्न ‘स्क्रिनिङ’ गराउनुपर्ने भयो । वितरकसँगै उनीहरूको ‘क्रिएटिभ टीम’लाई चलचित्र देखाउनुपर्ने भयो । चलचित्र हेरिसकेपछि चित्त बुझे मात्रै उनीहरूले वितरणको निर्क्यौल गर्ने भए ।

‘भुलभुलैया २’, ‘एक भिलेन’ जस्ता चलचित्र वितरण गरेको मधु इन्टरटेनमेन्टका प्रतिनिधि लगायत ८/१० जनाको टीमले चलचित्र हेर्‍यो । ‘उनीहरूलाई चलचित्र कस्तो लाग्ने हो ? के भन्ने हुन् ? कतै यत्रो मेहनत खेर जाने हो कि ?’ सेनको मुटुको धड्कन थप बढ्न थाल्यो । उनीहरूले त्यहाँ सेनलाई निर्णय दिएनन् ।

निर्णयको प्रतिक्षा गर्न सन्तोषका लागि निकै गाह्रो भइरहेको थियो । रातको निद्रा सबै ‘गायब’ थियो । पाँच दिनपछि बल्ल उनीहरू ‘ओके’ भए । कसरी चलचित्रको प्रमोशन गर्न सकिन्छ ? कहिले रिलिज गर्ने ईत्यादिबारे छलफल भयो । 

सन्तोषका अनुसार त्यहाँ चलचित्र हेर्दा क्लाइमेक्समा उनीहरूको आँखामा टिलपिल आँसु थियो । उनीहरूले लोकेसन र कन्टेन्टका कारण चलचित्रलाई मन पराएको हुन सक्ने सन्तोष आकलन गर्छन् । 

चलचित्रको पोस्ट प्रोडक्सनको काम शुरू गरियो । उनीहरूले ‘स्टार टेक्निसियन’लाई लिएर काम गराए । सञ्जयलीला भन्सारीको ‘फेभरेट’ मिक्सिङ इञ्जिनीयर जस्टिन जोस, रोहित सेट्ठीको प्रायः चलचित्रमा संगीत दिने अमर मोहिले, रोहित सेट्ठीकै एडिटर बन्टिङ एगी लगायतले पोस्ट प्रोडक्सनको काम गरे ।

तहल्का मच्चाएको चलचित्र ‘बाहुबली’ मा राजमातालाई स्वर दिएकी चर्चित भ्वाइसओभर आर्टिस्ट सविना मलिक मौसमले पनि यो चलचित्रमा आफ्नो स्वर भरेकी छिन् । जसले प्रेम गीत– ३ को हिन्दी टिजरमा बाहुबली फ्लेबर आएको चर्चा युट्युबदेखि फेसबूक र ट्वीटरसम्म देख्न/सुन्न सकिन्छ । 

उत्कृष्ट कलाकार समेटिनुपछाडिको कारणबारे सन्तोष भन्छन्, ‘त्यहाँको बजारमा सन्तोष सेन को हो ? प्रदीप खड्का को हो चिन्दैनन् नि ! त्यहाँको स्टार टेक्निसियन लिँदा कम्तिमा डिजिटल प्लेटफर्म वा स्टाटेलाइटमा बेच्न सक्छु भन्ने सोच थियो ।’ यद्यपि, उनीहरूलाई लिन गाह्रो भने निकै थियो । कन्टेन्टका कारण उनीहरूले काम गरेको सन्तोष बताउँछन् । 

यसरी टिभीमा चलचित्र देखाउन पाए हुन्थ्यो भनेर मुम्बई पुगेका सेनको चलचित्र अन्ततः भारत–नेपाल र संसारभर एकैपटक रिलिजको तरखरसम्म आइपुगेको छ । 

त्यसो त चलचित्र निर्देशन गर्ने सन्तोषको शुरूआती योजना थिएन । चलचित्रको लोकेसन हन्टिङमा जाँदै गर्दा छेतनले नै निर्देशनमा आउन उत्प्रेरित गरेका थिए ।

निर्देशक छेतन संसारबाट बिदा भैसकेपछि उनको ठूलो स्केलको चलचित्र बलिउड नगरीसम्म पुगेको छ । यसलाई लिएर निकै खुशी छन्, सन्तोष । साथै, उनले यतिबेला निर्देशक छेतनलाई निकै सम्झिरहेका छन् ।

निर्माता एवं निर्देशक सेनका अनुसार ‘प्रेम गीत ३’ करीब डेढ सय वर्षअगाडिको कालखण्डको कथा हो । एउटा राजकुमार र प्रजाको छोरीबीचको प्रेमकथा चलचित्रले पेश गर्छ ।

यो नितान्त काल्पनिक कथा रहेको सन्तोषको भनाइ छ । जसलाई हरेक देशका दर्शकले अपनत्व गर्न सक्ने उनको भनाइ छ । कमेडी, एक्सन र लभको सम्मिश्रण चलचित्रमा रहेको सेन बताउँछन् । उनी भन्छन्, ‘मेरो मुख्य लभ स्टोरी चलचित्र त यो हो । ‘प्रेम गीत’ र ‘प्रेम गीत २’ मा भन्दा यसमा मीठो लभ स्टोरी दर्शकले हेर्न पाउँछन् ।’ 

चलचित्रमा प्रदीप खड्का र क्रिष्टिना गुरुङ मुख्य भूमिकामा छन् । साथमा शिव श्रेष्ठ, पुष्कर कार्की, सुनिल थापा, माओत्से गुरुङ, मनिष राउत, प्रेम पुरीलगायतको अभिनय छ । अभिनेत्री क्रिष्टिनाको भने ‘प्रेम गीत ३’ डेब्यू चलचित्र हो । उनी अडिसनमार्फत २ हजार ५ सय बढी प्रतिस्पर्धीलाई पछि पार्दै छानिएकी थिइन् ।

निर्माता एवं निर्देशक सेन ‘प्रेम गीत ३’ ले नेपाली चलचित्रको विश्वबजारको ढोका खोलिदिएको बताउँछन् । स्थान बनाइराख्न दर्शकको आँखामा छारो हाल्ने काम भने गर्न नहुने उनी बताउँछन् । बलिउडको बजारमा नेपाली चलचित्रले खुट्टा राखिराख्ने हो भने रिलिजअघि नै लगानी सुरक्षित गर्न सकिने उनको भनाइ छ ।

‘मेहनत गर्न सक्नुपर्‍यो । क्वालिटी र कन्टेन्टमा दम हुनुपर्‍यो । २/४ करोड बलिउडको ओटीटी स्याटेलाइटबाटै कमाउन सक्छौं,’ उनी भन्छन् । चलचित्रमा झण्डै ७ करोड लगानी भएको सन्तोषको भनाइ छ । भारतमा मात्रै २ करोडभन्दा बढी लगानी भएको उनी बताउँछन् । यद्यपि, चलचित्रले लगानी सुरक्षित गरिसकेको सेनको दाबी छ । 

चलचित्रले दशैंलाई प्रदर्शन मिति रोजेको छ । त्यसको पनि कारण छ । त्यसबारे सेन भन्छन्, ‘मैले चलचित्र बनाउन जति दुःख गरेको छु । सामान्य दिनमा रिलिज गर्दा त्यति दर्शकमाझ पुर्‍याउन सक्दिनँ कि भन्ने हो । दशैंमा धेरै दिन बिदा हुन्छ । त्योबेला दर्शकहरू फेस्टिभ मुडमा हुन्छन् । त्यसमाथि चलचित्रको लगानी पनि ठूलो भयो । सोहीकारण दशैंलाई लक्षित गरेका हौं ।’ 

चलचित्रकर्मीहरूबाट प्रशंसा

‘प्रेम गीत ३’लाई नेपालका चल्तापुर्जा चलचित्रकर्मीहरूले समेत सपोर्ट गरिरहेका छन् । थुप्रै चलचित्रकर्मीहरूले चलचित्रको पोष्टर, टिजर सार्वजनिक गर्दै प्रशंसा गरेका छन् । कतिपयले चलचित्रलाई सफलताको शुभकामना दिएका छन् । 

कमै चलचित्रको मात्रै पोस्टर र टिजर सार्वजनिक गर्ने दीपकराज गिरीले ‘प्रेम गीत ३’लाई भने शुभकामना दिएका छन् । उनले आफ्नो फेसबूक वालमा ‘प्रेम गीत ३’को टिजर सार्वजनिक गर्दै लेखेका छन्, ‘प्रेम गीतले जुन खालको प्रमोशन गरिरहेको छ, त्यो पक्कै पनि उपल्लो स्तरको छ । सबैमा जिज्ञासा पैदा गरेको छ । गीत र टिजरले जस्तै यो चलचित्रले पनि दर्शकको प्यास बुझाओस् ।  सन्तोष सेन, प्रदीप खड्कालगायत सम्पूर्ण टीमलाई शुभकामना ।’

‘जात्रा’ फ्रेम्ड निर्देशक प्रदीप भट्टराईले सन्तोष सेनलाई आँटिलो निर्माताका रूपमा उल्लेख गरेका छन् । उनले पनि फेसबूकमा चलचित्रको टिजर सार्वजनिक गर्दै लेखेका छन्, ‘सन्तोष सेन साँच्चिकै आँटिला, जोसिला अनि सपना देख्ने र सपनालाई साकार पार्न दिनरात लाग्ने निर्माता हुन् । उनको सपना साकार हुँदा हाम्रो उद्योगले एउटा नयाँ उचाइ पाउनेछ । टिजर मनपर्‍यो ।’

अभिनेत्री सुरक्षा पन्तले मुम्बई शहरमा टाँसिएको ‘प्रेम गीत ३’को तस्वीर फेसबूकमा शेयर गर्दै लेखेकी छिन्, ‘सिनेमा कस्तो हुने हो, त्यो पक्कै हेर्न बाँकी छ । तर, एउटा कठिन पाटो छ, पर्दापछाडि दौडधुपको । चाहे आर्थिक रूपमा होस् या मानसिक, सन्तोष सेनजी र टीमले जुन प्रयास गर्दै नेपाली सिनेमालाई यो होडिङ बोर्ड र सिनेमा घरसम्म पुर्‍याउने काम गर्नुभएको छ, त्यो प्रशंसनीय हो । आँट्नु धेरै ठूलो कुरा हो ।’ 

‘पशुपति प्रसाद’, ‘आमा’ जस्ता मनछुने चलचित्र निर्देशन गरेका निर्देशक दीपेन्द्र के. खनालले ‘प्रेम गीत ३’को टिजरलाई ‘दमदार’ भनेका छन् ।

धेरै चलचित्रकर्मीहरूले बलिउड नगरीमा नेपाली चलचित्रको उपस्थिति देखिँदा खुशी प्रकट गरेका छन् ।

हेर्नुहोस्, प्रेम गीत ३ को हिन्दी टिजर :

Maruti inside
Mega
NLIC
TATA Below
ncc inside
मंसिर ८, २०७९

चलचित्र निर्माता सरोज थापा लुम्बिनी प्रदेशसभा सदस्यमा निर्वाचित भएका छन् ।  रोज राणा भनेर परिचित उनले दादागिरी, खल नायक, दोस्ती र डनलगायत फिल्म निर्माण गरेका छन् । उनी नेपाली कांग्रेसको तर्फबाट प्युठान प्...

मंसिर १०, २०७९

बलिउड अभिनेता तथा गायक आदित्य नारायण झा नेपाल आएका छन् । उनी शुक्रबार साँझ नेपाल आइपुगेका हुन् ।  आज हुने एक साङ्गीतिक कार्यक्रममा प्रस्तुति दिन उनी नेपाल आएका हुन् । गायक झाले त्रिभुवन अन्तर्राष्ट्रिय वि...

मंसिर ९, २०७९

अभिनेता सलोन बस्नेतले प्रेमिका करिश्मा केसीसँग आगामी सोमबार विवाह गर्दैछन् । मंसिर १२ गते हुन लागेको विवाहका लागि दुवै तर्फमा आफन्त र साथीभाइलाई निम्तो कार्ड पुगिसकेको छ ।  सलोन र करिश्माले आफूहरुबीच...

मंसिर ७, २०७९

यसपटकको प्रतिनिधिसभा तथा प्रदेशसभा निर्वाचनमा राजनीतिकर्मी मात्रै होइन्, कलाकारहरुको समेत उल्लेख्य सहभागीता रह्यो ।  चर्चित गायक मुरलीधर मिझार, अभिनेत्री रेखा थापादेखि ‘सक्किगोनी’का कलाकार ...

मंसिर ८, २०७९

लोकगायक प्रकाश दुतराज र गायिका भूमिका गिरीले यही शनिवार अस्ट्रेलियाको सिड्नीमा सांगीतिक प्रस्तुति दिँदैछन् । त्यसका लागि उनीहरु बिहीवार नै सिड्नी पुगिसकेका छन् । आयोजक संस्थाका सदस्यले स्वागत गर्दै गरेका तस्वीरहर...

मंसिर ८, २०७९

कात्तिकको ११ गतेदेखि प्रदर्शनमा आएको हरिवंश आचार्य अभिनित चलचित्र ‘महापुरुष’ शुक्रवार भोलिदेखि पाँचौं हप्तामा प्रवेश गर्दैछ । यो चलचित्रले पाँचौं हप्तामा पनि हलमा उल्लेख्य शोज पाएको छ । शुक्रवार चलचि...

मधेशमा सीके राउतको उदय भयो भनिहाल्नु हतारो हुन्छ : सीके लाल [कुराकानी]

मधेशमा सीके राउतको उदय भयो भनिहाल्नु हतारो हुन्छ : सीके लाल [कुराकानी]

मंसिर ९, २०७९

मधेश आन्दोलनबाट उदाएका राजनीतिक दलहरूको अहिले भएको हार स्वाभाविक नै हो । केही दिनपछि मान्छेमा वितृष्णा आउनु स्वाभाविक नै हो । मधेश आन्दोलनको आक्रोश मत्थर भएको छ । सबै आ-आफ्नै कामधन्दामा लागेका छन् । नुन, तेल,...

जनताको बीचमा रहेर काम गरेकाले मैले चुनाव जित्ने निश्चित छ– परशुराम बस्नेत [कुराकानी]

जनताको बीचमा रहेर काम गरेकाले मैले चुनाव जित्ने निश्चित छ– परशुराम बस्नेत [कुराकानी]

मंसिर १, २०७९

परशुराम बस्नेत प्रदेशसभा सदस्य उम्मेदवार, मोरङ, क्षेत्र नम्बर ६ (ख) म निर्वाचनमा उम्मेदवारी दर्तापछि विभिन्न अभियानमा सहभागी हुनका लागि बिहान ५ बजे उठ्छु । व्यस्तता बढी हुने भएकाले प्रायःजसो राति १ बजे सुत्छु ...

रुपन्देहीका सपनालाई विपनामा बदल्ने नेता विष्णु पौडेल

रुपन्देहीका सपनालाई विपनामा बदल्ने नेता विष्णु पौडेल

कात्तिक ३०, २०७९

डी.आर. घिमिरे पुराना बेठीक नयाँ ठीक भन्ने भाष्य अहिले नेपाली राजनीतिमा खडा गरिएको छ । निर्वाचनका सन्दर्भमा यो कति ठीक हो भन्ने समीक्षा गर्न पाँच वर्ष कुर्नुपर्ने अवस्था छ । तथापि फोहोर बनेको राजनीतिलाई...

ad
x