पुस २२, २०८०
हास्य कलाकार जोडी सीताराम कट्टेल ‘धुर्मुस’ र कुञ्जना घिमिरे ‘सुन्तली’ स्टेज शोमा फर्किएसँगै मेला–महोत्सवमा खोजिन थालेका छन् । अघिल्लो शनिवार कास्कीको लेखनाथ महोत्सवमा प्रस्तुति द...
असोज ८, २०७९
बहुप्रतिक्षित नेपाली फिल्म ‘प्रेम गीत ३’ हिजो (शुक्रवार)देखि ‘वर्ल्डवाइड’ रिलिज भएको छ । कोरोना महामारीअघि निर्माण भएको फिल्मले अन्ततः तीन वर्षपछि नेपालमा मात्र नभएर भारतसँगै थुप्रै देशहरूमा एकसाथ रिलिजको अवसर पाएको छ । ‘इतिहासको काल्पनिक कथा’ भनिएको फिल्मलाई सबैतिरबाट सकारात्मक प्रतिक्रियाहरू आइरहेका छन् । प्रतिक्रियाबाट उत्साहित देखिएको छ, ‘प्रेम गीत ३’ निर्माण टिम । र, उत्तिकै उत्साहित छन् अभिनेताद्वय मनिष राउत र प्रेम पुरी ।
मनिष र प्रेम ‘प्रेम गीत ३’ का मुख्य पात्रहरूमध्येका हुन् । मनिष र प्रेमका अनुसार सात गाउँको राजाको कथा हो, प्रेम गीत ३ । फिल्म प्रदर्शनको दिन लोकान्तरकोस्टुडियोमा भलाकुसारीका क्रममा उनीहरू दुवै निकै खुशी देखिए । उनीहरूले ‘प्रेम गीत ३’बारे केही कुराहरू शेयर गरे । आ–आफ्नो फिल्मी यात्राबारे पनि केही कुरा सुनाए ।
‘फिल्ममा म राजकुमारको भूमिकामा छु । राजकुमारको नाम अमन हो’, मनिषले ‘प्रेम गीत ३’मा आफ्नो भूमिकाबारे बताए । फिल्ममा राजकुमारको भूमिका निर्वाह गर्नका लागि उनले धेरै कुराहरू सिकेका थिए । बञ्चरो चलाउनेदेखि घोडचढी (हर्स राइडिङ)लगायतका कुराहरू सिकेको र आफ्नो तर्फबाट शतप्रतिशत दिने प्रयास गरेको मनिषले बताए ।
मनिषको डेब्यू फिल्म हो, ‘प्रेम गीत ३’ । कोरोनाका कारण ‘प्रेम गीत ३’को प्रदर्शनमा ढिलाइ भए पनि आफू वर्षौंदेखि आजको दिनको पर्खाइमा रहेको उनले बताए । उनले अगाडि भने, ‘एउटा कलाकार, निर्देशक अनि फिल्म क्षेत्रमा लागेको ब्यक्तिलाई शुक्रवार धेरै विशेष हुँदोरहेछ । यो शुक्रवार मैले २/३ वर्ष नभई, १० वर्षदेखि कुरेको छु । यस फिल्ममा काम गर्नुअघि थुप्रै निर्माताको ढोका ढक्ढकाएको छु ।’
जीन्दगीमा धेरै कुरा भन्नु छ भन्ने लाग्छ मनिषलाई । केही कुराहरू सम्बन्धको बारेमा होलान्, केही भावनाको बारेमा वा केही कुराहरू समाजका बारेमा होलान् । मनिष फिल्मप्रतिको आकर्षणबारे सुनाउँछन्, ‘म पहिले कविताहरू लेख्थे, तर कविताले पुगेन मलाई । त्यसपछि दृश्यभाषामा आउन मन लाग्यो । ओस्कार फिल्म कलेजमा भर्ना भएँ ।’ ओस्कार कलेजमा भर्ना भएपछि उनलाई लाग्यो, फिल्म संसारको सबैभन्दा आधुनिक कला (मोर्डन आर्ट) हो ।
‘प्रेम गीत ३’मा अभिनय गरेपछि मनिषलाई अन्य फिल्महरूबाट पनि अफर आएका छन् । तर, फिल्मको रेस्पोन्सका लागि कुरिरहेको बताउँदै अब अन्य फिल्ममा पनि काम गर्ने उनले बताए ।
अभिनेता प्रेमलाई पनि फिल्मप्रति कहिलेदेखि झुकाव भयो, ठ्याक्कै यकिन छैन । तर, उनी आफू जान्ने भएदेखि नै फिल्मप्रति आकर्षित रहेको बताउँछन् । उनले यसअघि दुईवटा फिल्ममा काम गरिसकेका छन् ।
अभिनय, नृत्य, द्वन्द्वलगायतका कुराहरू सिकेर फिल्ममा आएको प्रेम बताउँछन् । ‘सम्झिराख है’बाट फिल्म क्षेत्रमा डेब्यू गरेका प्रेम ‘चंखे, शंखे, पंखे’ हुँदै ‘प्रेम गीत ३’सम्म आइपुगेका हुन् ।
‘प्रेम गीत ३’मा आफ्नो भूमिकाबारे प्रेम सुनाउँछन्, ‘फिल्ममा मैले एउटा राज्यको सेनापतिको भूमिका निर्वाह गरेको छु । मेरो पात्रको नाम क्रान्तिवीर छ ।’ आउँदा दिनमा फिल्म क्षेत्रमै सक्रिय रहने बताउँछन् प्रेम ।
यता, अभिनेता मनिष पनि आउँदा दिनमा अझ राम्रो काम गर्दै फिल्म क्षेत्रमै सक्रिय हुने बताउँछन् । ‘आगामी फिल्ममा अझ राम्रो, परिमार्जित भएर आउनेछु’, मनिष भन्छन् ।
छेतन गुरुङको परिकल्पना रहेको ‘प्रेम गीत ३’लाई छेतन र सन्तोष सेनले संयुक्त निर्देशन गरेका हुन् । यद्यपि, ‘प्रेम गीत ३’ वर्ल्डवाइड प्रदर्शनमा आउँदा निर्देशक छेतन यो संसारमा छैनन् । दुवै अभिनेताले यतिबेला निर्देशक स्वर्गीय छेतन गुरुङलाई धेरै सम्झिरहेको बताउँदै ‘प्रेम गीत ३’ उनीप्रति समर्पित गर्न चाहाने बताउँछन् ।
अभिनेता मनिषले दिवंगत छेतनलाई सम्झिँदै भने, ‘सर, तपाईं जहाँ, जसरी हुनुहुन्छ, तपाईंको कृतिले धेरै दर्शकलाई खुशी बनाएको छ । हजुरले दुःख फिल होस् भनेको ठाउँमा दर्शकहरू रोइदिनुभएको छ । हजुरले हँसाउन खोजेको ठाउँमा सबैजना हाँसिरहनुभएको छ ।’
फिल्ममा प्रदीप खड्का र क्रिष्टिना गुरुङ मुख्य भूमिकामा छन् । उनीहरूका साथमा मनिष राउत, प्रेम पुरीसँगै दर्जन बढी कलाकारहरूले अभिनय गरेका छन् ।
हास्य कलाकार जोडी सीताराम कट्टेल ‘धुर्मुस’ र कुञ्जना घिमिरे ‘सुन्तली’ स्टेज शोमा फर्किएसँगै मेला–महोत्सवमा खोजिन थालेका छन् । अघिल्लो शनिवार कास्कीको लेखनाथ महोत्सवमा प्रस्तुति द...
गायिका भूमिका गिरी र गायक प्रकाश दूतराजको सहकार्य रहेको दोस्रो गीत पनि करोड क्लबमा प्रवेश गरेको छ । उनीहरुले सहकार्य गरेको ‘देउरालीमा...’ बोलको गीतलाई युट्युबमा १ करोडभन्दा बढी पटक हेरिएको हो ।...
ढुंगामाटोले बनेको घरको आँगनमा घरतर्फै फर्किएर केही मानिसहरू लाइन लागेका छन् । बार्दलीमा झुन्ड्याइएको ब्यानरमा लेखिएको छ, सक्किगोनि । ब्यानरको छेउमा उभिएका छन्, अर्जुन घिमिरे (पाँडे) । यो चर्चित ह...
‘लुट’ र ‘टलकजंग भर्सेस टुल्के’जस्ता प्रशंसित चलचित्रका निर्देशक निश्चल बस्नेतको चलचित्र ‘दिमाग खराब’ दोस्रो सातामा प्रदर्शन भइरहेको छ । २०७३ मा ‘लुट– २’...
कलाकार शिशिर भण्डारीले आफ्नो हिट गीत ‘फोटो फिरिममा’ शीर्षकमा टेलिसिरियल ल्याउने भएका छन् । निर्माणको तयारी सुरु भइसकेको टेलिसिरियलमा उनकै कथा, पटकथा एवं संवाद लेखन रहनेछ । उ...
अस्ट्रेलियाको एक साङ्गीतिक कार्यक्रममा गायक सुगम पोखरेलले दर्शकलाई माइकले हानेका छन् । आइतवार बिहानैदेखि सामाजिक सञ्जालमा उक्त भिडियो भाइरल भइरहेका छन् । शुक्रवार राती नेपालमा गएको भूकम्पमा ज्यान गु...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...