×

X
Nic Asia
Dabur
Khukuri

राजनीति

२०–२५ सिट दिने एमालेको आश्वासनपछि जनता समाजवादी पार्टीले लियो यू–टर्न

काठमाडाैं | असोज १५, २०७९

NTC
Argakhanchi Cement
Premier Steels
TVS INSIDE

सत्तारूढ गठबन्धनमा सिट बाँडफाँटको अन्तिम टुंगो लाग्न नसकिरहेको बेला सहयात्री दल जनता समाजवादी पार्टी (जसपा)ले शनिबार दिउँसो गठबन्धनबाट बाहिरिने संकेतसहितको विज्ञप्ति जारी गर्‍यो  । 

LAxmi BAnk
nabil BANK inside

शनिबार दिउँसो सिंहदरबारस्थित जसपाको संसदीय दलको कार्यालयमा बसेको कार्यकारिणी समितिको बैठकको निर्णय भन्दै पार्टी प्रवक्ता मनिष सुमनले प्रेस नोट जारी गरेका थिए । 


Advertisment
RMC TANSEN
cg elex island
NIC ISLAND BOX

उनले प्रेस नोटमा गठबन्धनमा भइरहेको सिट बाँडफाँटको छलफल जसपाको लागि उपयुक्त नभएको भन्दै गठबन्धन भित्रका दलहरूसँग मित्रवत प्रतिस्पर्धा र अन्य दलसँग चुनावी तालमेलको ढोका खुलेको संकेत दिएका थिए ।
जसपा र एमालेका नेताहरूबीचमा पछिल्लो समयमा भएको छलफलमा एमालेले जसपालाई २० देखि २५ सिट दिएर चुनावी तालमेल गर्ने प्रस्ताव गरेपछि जसपामा यू–टर्न आएको जसपाका एक नेताले बताए । 

‘राजनीतिमा स्थायी शत्रु र स्थायी मित्र हुँदैनन् । एमालेसँग चुनावी तालमेलको सम्भावना बढ्यो । गठबन्धनमा जसपालाई अवमूल्यन गरियो । एमालेले २० देखि २५ सिट दिने प्रस्ताव आएको छ’, जसपाका एक नेताले लोकान्तरसँग भने । 


Advertisment
Saurya island

सत्तारूढ गठबन्धनमा जसपालाई १५ सिट दिने प्रस्ताव भएको छ । त्यसमा जसपाका नेताहरूले असन्तुष्टि व्यक्त गरिरहेका छन् ।

गठबन्धनमा भनेजति सिट नपाइरहेको बेला एमालेबाट आकर्षक प्रस्ताव आएपछि जसपाका शीर्ष नेताले कार्यकारिणी समितिको बैठक राखेर छलफल गरेको हो ।

Vianet communication
IME BANK INNEWS

एमालेका एक शीर्ष नेताले दिएको जानकारी अनुसार, लोकतान्त्रिक समाजवादी पार्टी (लोसपा)सँगको चुनावी तालमेलको संवाद अघि बढ्न सकेको छैन् । 

'हामीले केही चरण छलफल ग¥यौं तर, चुनावी तालमेल हुने गरी कुरा अघि बढ्न सकेको छैन् । जसपा गठबन्धन छाडेर आउँदा गठबन्धनले भन्दा बढी सिट दिनसक्ने एमालेले नै हो’, ती नेताले लोकान्तरसँग भने ।

मधेश प्रदेशका ८ जिल्लामा प्रतिनिधि सभामा ३२ सिट छ । जसपाका अध्यक्ष उपेन्द्र यादव आगामी चुनावपछि पनि मधेशमा जसपाकै नेतृत्वमा प्रदेश सरकार बनाउन चाहन्छन् । त्यसका लागि उनले गठबन्धनमा पाएको सिटले पुग्ने अवस्था नदेखेपछि गठबन्धन छाडेर एमालेसँग चुनावी तालमेलका लागि तयार भएको जसपाकै नेताहरू बताउँछन् । 

जसपाको कार्यकारिणी समितिको बैठकपछि केन्द्रीय सदस्य आङकाजी शेर्पाले एमाले अध्यक्ष केपी ओलीसँगको तस्बिर फेसबुकमा शेयर गर्दै लेखेका छन्, ‘आज सपनामा बालाइ देखेँ ।’

सुमनले जारी गरेको विज्ञप्तिमा भनिएको थियो, ‘हाम्रो पार्टीको समेत सहभागितामा रहेको ५ दलीय गठबन्धनमा आगामी हुने संघीय संसद र प्रदेश सभा सदस्यको निर्वाचनमा सिटको तालमेलको सम्बन्धमा भइरहेको सिट बाँडफाँट सम्बन्धी छलफलमा हाम्रो पार्टीको लागि सन्तोषजनक नदेखिएको हुँदा यसका अतिरिक्त सम्भव भएसम्म विकल्पकोरूपमा अन्य राजनीतिक दलहरूसँग पनि निर्वाचनमा सिटको तालमेल गर्न सकिने छ ।’

जसपाका अध्यक्ष उपेन्द्र यादवले केही दिनअघि एमालेका एमालेका गंगाराम यादवलाई पार्टी प्रवेश गराउँदै पार्टी अध्यक्ष उपेन्द्र यादवले केही दिनअघि जसपा एक्लै चुनाव लड्ने अवस्था आइरहेको बताएका थिए ।

गठबन्धनमा रहेर कांग्रेस र माओवादी केन्द्रलाई ठूलो पार्टी बनाउने वैशाखीकोरूपमा आफूहरु प्रयोग नहुने उनले बताएका थिए । 

जसपाका अर्का केन्द्रीय सदस्य लाक्पा शेर्पाले कांग्रेस र माओवादी केन्द्रको बैशाखी बन्नको लागि मात्रै आफ्नो पार्टी गठबन्धनमा नरहने बताए । ‘कांग्रेस र माओवादी केन्द्रको बैशाखी बन्नको लागि मात्रै गठबन्धनमा

रहँदैनौ । कार्यकारिणी समितिको बैठकले अन्य दलसँग चुनावी तालमेलको ढोका खोलिसकेको छ । यदी तालमेल भएन भने आगामी चुनावमा जसपा एक्लै प्रतिस्पर्धा गर्ने अवस्था छ’, उनले भने ।

उता लोकतान्त्रिक समाजवादी पार्टीका शीर्ष तहका नेताहरू भने जसपाले गठबन्धनमा बार्गेनिङ पावर बढाउनको लागि मात्रै एमालेसँग तालमेलको सम्भावना देखाएको दावी गर्छन् । 

‘जसपाले थोरै सिट पाउने भएपछि नेताहरू अन्य दलमा जान थाले । पार्टीका नेता कार्यकर्तालाई देखाउन र गठबन्धनमा बार्गेनिङ पावर बढाउन त्यस्तो निर्णय भएको हो’, लोसपाका एक नेताले भने । 

लोसपाले नै एमालेसँग तालमेलको कुरा गरिरहेको उनको दावी छ । यदी जसपा गठबन्धन छाडेर आएको खण्डमा मधेशवादी पार्टीको मात्रै पनि चुनावी तालमेल हुनसक्ने लोसपाका ती नेताले बताए ।


 

Maruti inside
Mega
NLIC
TATA Below
ncc inside
मंसिर १९, २०७९

नेकपा एमालेका सचिव योगेश भट्टराईले पार्टी अध्यक्ष केपी शर्मा ओलीसँग भेटेर बधाई साटासाट गरेका छन् । भट्टराईंले ताप्लेजुङबाट चुनाव जितेका हुन् । सोमवार बिहान अध्यक्ष ओलीलाई भेट्न उनी बालकोटस्थित ओली निवास पुगे...

मंसिर १९, २०७९

निर्वाचन समीक्षा र पावर शेयरिङबारे छलफल गर्न सत्ता गठबन्धनको बैठक शुरु भएको छ । प्रधानमन्त्रीकाे सरकारी निवास बालुवाटारमा साेमवार अपराह्न बैठक शुरु भएको हो । प्रतिनिधि सभा र प्रदेश सभा सदस्यको निर्वाच...

मंसिर १९, २०७९

नेकपा एमालेका सचिव रघुवीर महासेठले नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’सँग भेटवार्ता गरेका छन् ।  महासेठले सोमवार दिउँसो खुमलटारस्थित निवासमै पुगेर प्रचण्डको निवासमै प...

मंसिर १९, २०७९

नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’सँग गृहमन्त्री बालकृष्ण खाणबीच सोमवार भेटवार्ता भएको छ । ललितपुरको खुमलटारस्थित प्रचण्ड निवासमा भएको भेटमा वर्तमान समसामयिक राजनीतिक विषयमा छल...

मंसिर १९, २०७९

प्रतिनिधि र प्रदेश सभाको प्रत्यक्ष निर्वाचनतर्फको मत परिणाम आइसकेको छ । अब समानुपातिकतर्फको मात्रै मत परिणाम आउन बाँकी छ ।  प्रत्यक्षतर्फको मत परिणामको टुंगो लागिसक्दा सत्ता गठबन्धनको प्रमुख दल नेपाली कांग्र...

मंसिर १९, २०७९

राष्ट्रिय स्वतन्त्र पार्टीका अध्यक्ष रवि लामिछानेले भारतको दादागिरी स्वीकार्य नभएको बताएका छन् । उनले नेपालको राजनीतिमा नयाँ पुस्ता आइसकेकाे र नयाँ पुस्तालाई भारतको दादागिरी स्वीकार्य नभएको भन्दै भारती पक्षलाई दिल्ल...

मधेशमा सीके राउतको उदय भयो भनिहाल्नु हतारो हुन्छ : सीके लाल [कुराकानी]

मधेशमा सीके राउतको उदय भयो भनिहाल्नु हतारो हुन्छ : सीके लाल [कुराकानी]

मंसिर ९, २०७९

मधेश आन्दोलनबाट उदाएका राजनीतिक दलहरूको अहिले भएको हार स्वाभाविक नै हो । केही दिनपछि मान्छेमा वितृष्णा आउनु स्वाभाविक नै हो । मधेश आन्दोलनको आक्रोश मत्थर भएको छ । सबै आ-आफ्नै कामधन्दामा लागेका छन् । नुन, तेल,...

जनताको बीचमा रहेर काम गरेकाले मैले चुनाव जित्ने निश्चित छ– परशुराम बस्नेत [कुराकानी]

जनताको बीचमा रहेर काम गरेकाले मैले चुनाव जित्ने निश्चित छ– परशुराम बस्नेत [कुराकानी]

मंसिर १, २०७९

परशुराम बस्नेत प्रदेशसभा सदस्य उम्मेदवार, मोरङ, क्षेत्र नम्बर ६ (ख) म निर्वाचनमा उम्मेदवारी दर्तापछि विभिन्न अभियानमा सहभागी हुनका लागि बिहान ५ बजे उठ्छु । व्यस्तता बढी हुने भएकाले प्रायःजसो राति १ बजे सुत्छु ...

रुपन्देहीका सपनालाई विपनामा बदल्ने नेता विष्णु पौडेल

रुपन्देहीका सपनालाई विपनामा बदल्ने नेता विष्णु पौडेल

कात्तिक ३०, २०७९

डी.आर. घिमिरे पुराना बेठीक नयाँ ठीक भन्ने भाष्य अहिले नेपाली राजनीतिमा खडा गरिएको छ । निर्वाचनका सन्दर्भमा यो कति ठीक हो भन्ने समीक्षा गर्न पाँच वर्ष कुर्नुपर्ने अवस्था छ । तथापि फोहोर बनेको राजनीतिलाई...

ad
x