२१ असार २०८३, आइतबार
नेकपा माओवादी केन्द्रका अध्यक्ष पुष्पकमल दाहाल 'प्रचण्ड' गोरखा क्षेत्र नम्बर २ बाट उम्मेदवार बन्ने भएका छन् ।
पार्टी पदाधिकारीको शुक्रवार बसेको बैठकले प्रचण्डलाई गोरखा– २ बाट उम्मेदवार बनाउने निर्णय गरेको हो ।
गोरखा– २ यसअघि डा. बाबुराम भट्टराईले चुनाव जितेको क्षेत्र हो । डा. भट्टराईले यसपटक प्रत्यक्षतर्फ उम्मेदवारी नदिने घोषणा गरिसकेका छन् ।
स्थानीय तह निर्वाचनको नतिजा अनुसार यो क्षेत्रमा माओवादी सबैभन्दा बलियो छ भने हाराहारीको कांग्रेसको साथ पनि प्रचण्डलाई हुनेछ ।
स्थानीय चुनावमा एक्लाएक्लै प्रतिस्पर्धा भएको गोरखा– २ मा माओवादीले २२ हजार २५० र कांग्रेसले २१ हजार १३६ मत पाएका छन् ।
सत्ता गठबन्धनमै रहेको जसपाको मत ७ हजार ५०४ छ भने एमालेले ७ हजार ९२६ र राप्रपाले ८ सय ७८ मत पाएको छ ।
गोरखा– २ बाट उम्मेदवार बन्दा प्रचण्डलाई चुनाव जित्न निकै सहज हुनेछ । चितवन ३ मा भने कांग्रेसका मतदाताको भर पर्नुपर्ने अवस्था थियो ।
