×

NIC ASIA

प्रतिनिधिसभा निर्वाचन

रामचन्द्रलाई गोविन्दराज जहिल्यै तगारो– तनहुँमा कैँचीले कति पार्ला प्रभाव ?

असोज २७, २०७९

Prabhu Bank
NTC
Premier Steels

२०४८ सालदेखि लगातार संसदीय निर्वाचन जित्दै आएका नेपाली कांग्रेसका नेता रामचन्द्र पौडेललाई २०७४ सालमा पहिलोपटक झड्का लाग्यो ।

Muktinath Bank

पाँच वर्षअघिको पीडा बिर्सने गरी पौडेलले फेरि प्रतिनिधि सभामा उम्मेदवारी दिएका छन् ।


Advertisment
RMC TANSEN
IME BANK INNEWS
shivam ISLAND

तनहुँ १ बाट सर्वसम्मत सिफारिश हुन नसकेका पौडेलले आफ्नो जीत सुनिश्चित गर्नका लागि कयौं नेताहरूको व्यवस्थापन गर्नु परेको थियो । तनहुँमा शंकर भण्डारीका लागि सीट सुरक्षित गर्न पौडेलले प्रदीप पौडेललाई काठमाडौं– ५ मा व्यवस्थापन गरे ।


Advertisment
Nabil box
Kumari

रामचन्द्रले यसपटक अरूका लागि त्यति जोडबल गरेनन् जति प्रदीपका लागि गरेका थिए । तनहुँ– १ दावी गरेका शंकर भण्डारीलाई २ मा व्यवस्थापन गर्न २ का सशक्त उम्मेदवार प्रदीप पौडेललाई काठमाडौं– ५ मा व्यवस्थापन गरियो । आफ्नालाई टिकट मिलाउन नसकेपनि पौडेलले तनहुँमा कांग्रेसका नेताहरूको व्यवस्थापन गरे ।

Vianet communication

तर, यसपटक पनि गोविन्दराज जोशी रामचन्द्र पौडेलका लागि तगारो बन्न कोशिश गरिरहेका छन् । तनहुँको राजनीतिमा रामचन्द्र र गोविन्दराज जोशीको दुस्मनी दशकौंदेखि चल्दै आएको छ । 

पौडेलले अन्तिमपटक चुनाव लड्न लागेको भनेर बताएपनि जोशीले यसपटक पनि पौडेललाई चयनका साथ बस्न दिएका छैनन् ।

तनहुँमा कति छ जोशीको सामर्थ्य ?

भ्रष्टाचार मुद्दा लाग्नुअघि तनहुँको राजनीतिमा गोविन्दराज जोशी हावी थिए । गिरिजाप्रसाद कोइराला शक्तिमा रहुञ्जेल सत्ता राजनीतिको मियो जस्तो रहेका जोशीले कार्यकर्तालाई विशेष संरक्षण गरेका थिए । 

गृहमन्त्री हुँदा प्रहरी र अनुसन्धान विभागमा तथा शिक्षामन्त्री हुँदा एसएलसी पास गरेका सबैलाई विभिन्न क्षेत्रमा जागिर लगाएको चर्चा तनहुँमा व्याप्त छ । पार्टीले कारवाही गर्दा समेत जोशी तिनै कार्यकर्ताको आडमा राजनीति गरेका छन्, जसलाई उनले शक्तिमा छँदा संरक्षण गरेका थिए ।

पार्टीको आधिकारिक लाइनभन्दा बाहिर गएर गतिविधि गरेपछि जोशी कांग्रेसबाट पटक–पटक कारवाहीमा परेका छन् । पार्टीबाट कारवाहीमा परेसँगै उनको राजनीतिक शक्ति र सामर्थ्य क्रमशः क्षयीकरण हुँदै गएको छ । 

गत स्थानीय तह निर्वाचनमा नेकपा एमालेको समर्थन प्राप्त गर्दा पनि छोरा दीपकराज जोशीले ब्यासको मेयर जित्न नसकेपछि तनहुँमा गोविन्दराज जोशीको राजनीति संकटमा परेको ठानिएको छ । आफैँ कमजोर अवस्थामा पुगेका जोशी पौडेलको संसद् यात्राको तगारो बन्ने सम्भावना भने न्युन छ । 

कस्तो छ तनहुँको राजनीतिक समीकरण ?

२०७४ सालको प्रतिनिधि सभा निर्वाचनमा कांग्रेस उम्मेदवार पौडेल तत्कालीन वामपन्थी उम्मेदवार कृष्णकुमार श्रेष्ठसँग पराजित भएका थिए । माओवादीको समेत समर्थनमा एमालेका उम्मेदवार श्रेष्ठ ३४ हजार ४ सय ८९ मत पाएर विजयी हुँदा पौडेलले २७ हजार ६ सय ७५ मत प्राप्त गरेका थिए । 

नेकपा एमाले विभाजनका बेला नेकपा एकीकृत समाजवादीमा लागेका श्रेष्ठ पौडेललाई सहज बनाइदिन भन्दै बारा गएका छन् । तनहुँ– १ मा नेकपा एमालेले एकबहादुर राना मगरलाई उम्मेदवार बनाएको छ । 

प्रदेशमा रामचन्द्र प्यानलबाट कांग्रेसका अशोककुमार श्रेष्ठ र माओवादीका हरिबहादुर चुमान उम्मेदवार छन् । गत वैशाखमा सम्पन्न स्थानीय तह निर्वाचनको मतलाई आधार मान्दा नेपाली कांग्रेसको एकल बहुमत छ । 

स्थानीय तह निर्वाचनमा वडागत मतको आधारमा कांग्रेसले ३३ हजार १ सय ६ मत प्राप्त गरेको छ । नेकपा एमालेले २२ हजार २ सय १० मत प्राप्त गरेको थियो । 

माओवादीले ८ हजार ४ सय ७४ र नेकपा एसले ९८२ मत प्राप्त गरेका थिए । गठबन्धनका दलको भोट एमालेको भन्दा झण्डै दोब्बर ४२ हजार ५ सय ८ छ ।

कांग्रेसको ३३ हजार भोटबाट केही गोविन्दराज जोशीले काट्ने सम्भावना छ । 

स्थानीय तह निर्वाचनमा छोरा दीपकराज जोशीले लडेकै कैँची चिह्न जोशीले रोजेका छन् ।

‘तनहुँमा अहिले पनि जोशीको एउटा राम्रो गुटको अस्तित्व छ । ब्यासमा छोराले पाएको मत र जन्मथलो भानुमा बाँकी प्रभावका कारण उनले सम्मानजनक भोट पाउने सम्भावना छ,’ तनहुँ कांग्रेसका एक नेताले लोकान्तरसँग भने । 

संविधानसभा सदस्य रहेकी पार्वती थापा र जिल्ला तहका केही नेताले जोशीलाई साथ दिएका छन् । 

जोशी चुनाव जितेर संसद्मा पुग्ने सम्भावना क्षीण भएपनि रामचन्द्र पौडेलका लागि तगारो बन्न सक्ने सम्भावना भने छ ।

पढ्नुहोस्, यो पनि :

hAMROPATRO BELOW NEWS
TATA Below
कात्तिक १८, २०८०

गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ ।  ...

कात्तिक २०, २०८०

जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...

कात्तिक २१, २०८०

गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ ।  बाँचेकाहरू शोक र पीडामा छन् ।  ...

मंसिर २५, २०८०

दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो ।  दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...

कात्तिक २०, २०८०

‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...

माघ १८, २०८०

​सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...

मधेशमा चीनको उपस्थिति र सुरक्षा संवेदनशीलताका नाममा नेपालीले भोग्नुपर्ने सम्भावित सास्ती

मधेशमा चीनको उपस्थिति र सुरक्षा संवेदनशीलताका नाममा नेपालीले भोग्नुपर्ने सम्भावित सास्ती

जेठ १६, २०८१

जेठ ६ गते नेपाल–चीनमैत्री मञ्चद्वारा आयोजित एक कार्यक्रममा नेपालका लागि चिनियाँ राजदूत छन सोङले नेपाल एक चीन नीतिमा प्रतिबद्ध रहेको बताउनुका साथै नेपालले कुनै पनि तत्त्वलाई चीनविरुद्धको गतिविधिमा लाग्न ...

समानुपातिक, समावेशिताः सिद्धान्त र व्यवहार

समानुपातिक, समावेशिताः सिद्धान्त र व्यवहार

जेठ १२, २०८१

नेपालमा भएका जनयुद्ध, जनआन्दोलन, मधेश आन्दोलन लगायतका आन्दोलनहरूको मूल आशय एकल जातीय एकात्मक राज्य संरचनालाई पुनर्संरचना गरी बहुलतामा आधारित समावेशी राज्य निर्माण गर्ने रहेको थियो । अर्थात्, जातीय उत्पीडन र आन्त...

काग र सुगाको सन्देश

काग र सुगाको सन्देश

जेठ १२, २०८१

एक दिन प्रातः भ्रमणमा गएको बेला कुनै एक सज्जनले सोधे– ‘कागहरू किन स्वतन्त्र हुन्छन् र सुगाहरू किन बन्धनमा पर्छन् थाहा छ ?’ मैले भनेँ– अहँ, थाहा छैन, भन्नुस् न किन त्यस्तो हुन्छ ?’ उत्त...

x