२९ जेठ २०८३, शुक्रबार
अष्ट्रेलियामा भइरहेको आईसीसी टी–२० विश्वकप क्रिकेटअन्तर्गत हिजो (शुक्रवार)को दुई खेल रद्ध गरिएका छन् । शुक्रवारका लागि तय गरिएको आयरल्याण्ड र अफगानिस्तान तथा अष्ट्रेलिया र इंग्ल्याण्डबीचको खेल रद्द गरिएको हो ।
वर्षाका कारण दुवै खेल रद्ध गरिएको हो । वर्षाका कारण खेल मैदान भिजेकाले खेल खेलाउन सम्भव नभएको हो ।
अष्ट्रेलिया र इंग्ल्याण्डबीचको खेल मेलवर्नमा तय गरिएको थियो । सुपर–१२ अन्तर्गत समूह ए को खेल टस नभई रद्द भएपछि दुवै टोलीले १–१ अंक पाएका छन् ।
खेल नभएपछि इंग्ल्याण्ड र अष्ट्रेलियाले ३ खेलपछि समान ३ अंक जोडेका छन् । दुवै टिम यसअघि एक खेल जितेका थिए भने एक खेलमा पराजित भएका थिए ।
शुक्रवार मेलवर्नमै हुने भनिएको आयरल्याण्ड र अफगानिस्तानबीचको खेल पनि टस नभई नै रद्द भएको थियो ।
समूह ए मा न्युजिल्याण्डको २ खेलबाट ३ अंक छ भने तीन खेल खेलिसकेका इंग्ल्याण्ड, आयरल्याण्ड र अष्ट्रेलियाको पनि समान ३ अंक छ र क्रमशः दोस्रो, तेस्रो र चौथो स्थानमा छ । श्रीलंका २ खेलबाट २ अंकसहित पाँचौं र ३ खेलबाट २ अंक रहेको अफगानिस्तान छैटौं स्थानमा छ ।
